एनआईसी एसिया बैंक र सिप्रदी ट्रेडिङ प्रालीबीच वित्तीय साझेदारी

साउन २३, २०७७ शुक्रबार २१:५९:४७ | उज्यालो सहकर्मी

काठमाण्डौ – टाटा मोटर्सको नेपालका लागि आधिकारिक बिक्रेता सिप्रदी ट्रेडिङ प्राली र एनआईसी एसिया बैंकबीच वित्तीय साझेदारीका लागि समझदारी भएको छ ।

सिप्रदीले बैंकलाई फाइनान्सिङ पार्टनर बनाउने र बैंकले सिप्रदीका ग्राहकलाई सवारी कर्जामा थप सहज प्रदान गर्ने समझदारी पत्रमा सिप्रदीका तर्फबाट भाइस प्रेसिडेन्ट सौरभराज थपलिया र बैंकको तर्फबाट सहायक प्रमुख कार्यकारी अधिकृत सन्तोषकुमार राठीले हस्ताक्षर गर्नुभएको हो ।

सम्झौता अन्तर्गत अब टाटा गाडीका खरिदकर्ताहरुले पहिलो चार देखि ६ महिनासम्मको किस्ताबापतको रकम तिर्नुपर्ने छैन भने पहिलो वर्षको वार्षिक ब्याजदर पनि परिवर्तन हुने छैन । ग्राहकले ८ दशमलव २५ प्रतिशत वार्षिक ब्याजदरमा सवारी कर्जा प्राप्त गर्न सक्नेछन् । यस कर्जाको अवधि आठ वर्षसम्मको हुनेछ ।

सरल र सहजकर्जा उपलब्ध गराउने उद्देश्यका साथ यो सुविधा सिप्रदी ट्रेडिङ्ग प्रालीकाे देशभरि रहेका सम्पूर्ण डिलरबाट उपलब्ध हुनेछ । यी सेवा सुविधा टाटा मोटर्सका अत्याधुनिक डिजाइनका उत्पादनहरु एचफाईभ, नेक्सन, टियागो र टिगोरलगायतका गाडीमा उपलब्ध छन् । आफ्ना ग्राहकको सुविधाका लागि कम्पनीले यस प्रकारको विशेष किस्ता प्याकेज एक वर्षसम्म उपलब्ध गराउने छ ।

यो योजना स्टक रहुञ्जेलसम्म मात्र लागू हुने सिप्रदीले जनाएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्