बलिवुड अभिनेत्री पायल घाेषले अनुराग कश्यपमाथि याैन उत्पीडनकाे आराेप लगाइन्

असोज ४, २०७७ आइतबार १४:४६:३६ | एजेन्सी

काठमाण्डाै – बलिवुड अभिनेत्री पायल घोषले फिल्म निर्देशक तथा निर्माता अनुराग कश्यपमाथि यौन उत्पीडनको आरोप लगाएकी छिन् ।

पायल घोषले अनुराग कश्यपको ट्विटरमा ट्याग गर्दै लेखेकी छिन्, ‘अनुराग कश्यपले मसँग जबर्जस्ती गरे । नरेन्द्र मोदीजी उनीविरुद्ध कारबाही गर्नुस् र सत्य के हो देशले थाहा पाओस् । यो भन्नु मेरो लागि नोक्सानदायी र सुरक्षाको खतरा हो । कृपया मद्दत गर्नुस् ।’

— Payal Ghosh (@iampayalghosh) September 19, 2020

पायलको यो ट्वीटलाई अभिनेत्री कङ्गना रनावतले रिट्वीट गर्दै मीटू ह्याशट्याग लगाउँदै लेखेकी छिन्, ‘सबै आवाजले उत्तिकै महत्त्व राख्छ । अनुराग कश्यपलाई पक्राउ गर ।’
पायल घोषको यो ट्वीटलाई रिट्वीट गर्दै राष्ट्रीय महिला आयोगकी अध्यक्ष रेखा शर्माले पूरै घटनाको जानकारी माग्नुभएको छ ।

यसै विषयमा अनुराग कश्यपले मध्यरात साढे १२ बजेतिर चार वटा ट्वीट गरेका छन् । उनले ट्वीटमा आफूमाथि लागेको आरोप तथ्यहीन भएको बताएका छन् ।
विशेषगरी अभिनेता सुशान्त सिंह राजपूतको निधनपछि बलिवुडमा आरोप–प्रत्यारोप बढिरहेको छ ।

सुशान्त सिंह राजपूतका परिवारले अभिनेत्री रिया चक्रवर्तीमाथि आरोप लगाउँदै मुद्दा दर्ता गरेका छन् । मुद्दा दर्ता भएपछि रिया चक्रवर्ती एक वर्गको निसानामा परेकी छिन् ।

यो मुद्दामा मिडियाले उठाएको बहसलाई मिडिया ट्रायलको नाम पनि दिइएको छ । केही व्यक्तिहरु यो कदमको आलोचना गर्दै अदालतको निर्णय कुर्नुपर्ने बताइरहेका छन् ।

यी दुई पक्षबीच अहिले बलिवुड बाँडिएको देखिएको छ । अनुराग कश्यप पनि यस विवादको केन्द्रमा छन् । अभिनेत्री कङ्गना रनावत र अनुरागबीच सामाजिक सञ्जालमा धेरैजसो मौखिक लडाइँ भइरहन्छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्