प्रज्ञा-पारमितामा सुनका अक्षर कोरिँदै, मर्मत सम्भार अन्तिम चरणमा

असोज १९, २०७७ सोमबार १०:५१:२४ | सिल्भिया राजोपाध्याय

ललितपुर - तीन वर्षको एकचोटी मर्मत गरिने ललितपुरको हिरण्यवर्ण महा-विहारमा राखिएको ऐतिहासिक एवं सांस्कृतिक महत्वको प्रज्ञा-पारमिता पुस्तकको मर्मत सम्भारको काम अन्तिम चरणमा पुगेको छ ।

तीन वर्षमा एकचोटी मलमासको महिनामा प्रज्ञा-पारमिता पुस्तकको मर्मत गरिने परम्पराअनुसार यसवर्ष गएको असोज ४ गतेदेखि मर्मत थालिएको हो । अबको दुई तीन दिनमा मर्मतको काम सकिने हिरण्यवर्ण महाविहारका पुजारी चकराज बज्राचार्यले बताउनुभयो । मर्मत गरिने भनेर पुस्तकमा लेखिएका खुइलिएका सुनका अक्षरहरुमा माथि फेरि सुनको अक्षरले लेखिने गरिन्छ ।

दैनिक रुपमा पुस्तकलाई पूजा गरेर पाठ गरिने भएकोले खुइलिएका अक्षरहरु एवम् पानाहरुको मर्मतसम्भार मलमासको महिनामा गरिन्छ । यो महिनाभर पुस्तकको पाठ नहुने भएकोले यस समयमा मर्मत गर्ने गरिएको हो ।

अरु बेला ३०० पेज भएको सुवर्ण अक्षरले लेखिएकोे पुस्तकको ८०० वटा श्लोक पढेर पूजा गरिन्छ । किराँती राजा भाष्करदेव वर्माले निर्माण गराएको हिरण्यवर्ण महाविहार गोल्डन टेम्पलको नामबाट पनि चर्चित छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिल्भिया राजोपाध्याय

सिल्भिया राजोपाध्याय उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्