भूमीहीन परिवारका खम्बा थिए असई गोविन्द, जो ड्युटीमै मारिए

कात्तिक २, २०७७ आइतबार १९:३५:११ | सीताराम ओझा

कैलाली – ड्युटीकै क्रममा नचिनेका मानिसकाे समूहद्वारा हत्या गरिएका कैलालीको धनगढी उपमहानगरपालिका १२ को अस्थायी प्रहरी बिट जुगेडाका इन्चार्ज प्रहरी सहायक निरीक्षक (असई) गोविन्द विकका परिवारजन शोकमा डुबेको छ ।

घरको अभिभावक नै गुमाएपछि कञ्चनपुरको पुनर्वास नगरपालिका ९ ख गाउँ निवासी मृतक विकका परिवारजन शोकमा डुबेका छन् । अति विपन्न परिवारमा जन्मेका विकसहित तीन भाइ थिए । गाेविन्द माहिलाे भाइ हुन् ।

याे पनि पढ्नुहाेस्

असई मृत्यु प्रकरण : ‘हत्यापछि शव माेहना नदीमा फालिएकाे हुन सक्छ’

असई मृत्यु प्रकरण : हत्यामा संलग्न भएकाे आशङ्कामा ११ जना पक्राउ

घरमा कमाइ गर्ने तथा लालनपालनको जिम्मेवारी सम्हाल्नुभएका विकको ड्युटीकै क्रममा रहस्यमयी ढङ्गले हत्या गरिएपछि आफूहरु अनाथ जस्तै भएको विकका भतिजा हरि विकले पीडा पाेख्नुभयाे ।

घटना भएको खबर पाउनेबित्तिकै पूरै परिवारसहित धनगढी पुग्नुभएका उहाँ भन्नुहुन्छ, ‘हाम्रो त घरमूली नै अङ्कल हुनुहुन्थ्यो । हामी टुहुरो भयौँ ।’ भूमीहीन विपन्न परिवारको अभिभावक रहनुभएका असई विकले १२ जना परिवारको लालनपालन गर्दै आउनुभएको थियो । उहाँकी श्रीमतीसहित साढे दुई र अर्की ६ वर्षीया गरी दुई छोरी छन् ।

प्रहरी सेवामा तीन वर्ष मात्रै बिताउनुभएका विक दुई महिना पहिले सुर्खेत जिल्लामा कार्यरत हुनुहुन्थ्यो । विक परिवारको बिचल्ली भएपछि उहाँको परिवारजनको जीविकोपार्जन तथा बालबालिकाको शिक्षा दीक्षाको जिम्मेवारी राज्यले लिनुपर्ने माग गरिएको छ । पुनर्वास नगरपालिका ९ का वडाध्यक्ष नारायणप्रसाद जैशीले विक परिवारको लालनपालनको जिम्मा राज्यले लिनुपर्ने बताउनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्