स्वास्थ्य मापदण्ड पालना नगरे पालिकाले कारबाही गर्ने

मंसिर १५, २०७७ सोमबार १९:७:३३ | सुजता सुनुवार

इलाम – स्वास्थ्य कार्यलयले कोभिड लक्षित जारी गरेको स्वास्थ्य मापदण्ड पालना नगरे इलामको इलाम नगरपालिकाले सर्वसाधरणलाई कारबाही गर्ने भएको छ । कोरोना भाइरस (कोभिड–१९) को सङ्क्रमण फैलिने क्रम बढेसँगै पालिकाको आग्रह अटेर गर्नेलाई पालिकाले कार्वाही गर्ने भएको हो ।

हाटबजार, यातायात सञ्चालन भएकाले भिड बढ्ने क्रम जारी छ । भिड बढेसँगै जोखिम पनि बढिरहेको छ । हिँडडुलका क्रममा जारी गरिएका मापदण्ड सबै नागरिकलाई पालना गर्न पालिकाले सूचना जारी गरी आग्रह गर्दै आइरहेको पालिका प्रशासकीय अधिकृत राम शाहले बताउनुभयो ।

उहाँले भन्नुभयो, ‘पालिकाको आग्रहलाई अटेर गरे प्रचलित सङ्क्रामक रोग नियन्त्रण ऐन २०२० अनुसार कारबाही हुनेछ ।’ सङ्क्रमणको लक्षण देखिएमा स्वास्थ्यकर्मीसँग सल्लाह लिन, सङ्क्रमणको जोखिम छ भन्ने स्वास्थ्य कार्यालय र अस्पतालमा सम्पर्क गर्न पालिकाले आग्रह गरेको छ ।

जोखिमका आधारमा स्वाब सङ्कलन गरिएका सबै व्यक्ति आफ्नो परीक्षण रिपोर्ट नआएसम्मका लागि होम आइसोलेशनमा बस्न पालिकाले सबैलाई आग्रह गरेको छ । आइसोलेशनमा बसेको समय नियम पालन गरेर बस्ने र नियम थाहा नभए पालिकाको वडा कार्यलयमा सम्पर्क गर्न भनिएको छ ।

ऐनमा रोग नियन्त्रण ऐन २०२० अन्तर्गत दिइएको आदेशलाई अपहेलना गर्ने व्यक्तिमाथि एक महिनासम्म कैद वा एक सय रुपैयाँ जरिबाना अथवा दुवै सजाय हुने व्यवस्था छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्