गुल्मी : स्वास्थ्य चौकी बनाउन पाँच रोपनी जग्गा दान

फागुन ५, २०७७ बुधबार २०:२६:२४ | जनार्दन घिमिरे

गुल्मी – स्वास्थ्य चौकी अभावमा समस्या भोग्दै आएका गुल्मीको चन्द्रकोट गाउँपालिकाको रुपाकोटका स्थानीय अहिले निकै खुसी बनेका छन् । स्वास्थ्य चौकी बनाउन जनप्रतिनिधिहरु जग्गाको खोजीमा भौतारिरहेको अवस्थामा स्थानीय दुई जनाले निःशुल्क पाँच रोपनी जग्गा उपलब्ध गराएपछि रुपाकोटमा स्वास्थ्य चौकी निर्माण गर्न लागिएको होे ।

रुपाकोट घर भइ रोजगारीको सिलसिलामा बेलायत रहँदै आएका मोतीराज भण्डारी र तारानाथ भण्डारीले गएको वर्ष सात लाख रुपैयाँमा स्थानीयसँग खरिद गरेको जग्गा स्वास्थ्य चौकी बनाउन उपलब्ध गराएका हुन् ।

रोजगारीको सिलसिलामा विदेशमा रहे पनि आफ्नो जन्म ठाउँ फर्कँदा कहिले गोठमा, कहिले वडा कार्यालयको साँघुरो कोठाबाट बिरामीहरुले सेवा लिएको देखेपछि जग्गा दान गर्ने निर्णय गरेको मोतीराज भण्डारीले बताउनुभयो ।

स्वास्थ्य चौकी भवनको शिलान्यास गर्दै चन्द्रकोट गाउँपालिकाका अध्यक्ष द्रोर्णबहादुर खत्रीले भण्डारीद्वयले जग्गा दान गरेर समाजमा उदाहरणीय काम गरेको बताउनुभयो । उहाँले स्वास्थ्य सेवा गाउँपालिकाको पहिलो प्राथमिकता रहेको भन्दै भवन बनेपछि बिरामीहरुको उपचारमा थप सहज हुने विश्वास व्यक्त गर्नुभयो ।

जग्गा दान गरेका भण्डारीद्वयले भवन बनेपछि त्यसका व्यवस्थापनका लागि आवश्यक सामग्री, एम्बुलेन्सलगायतमा समेत सहयोग गर्दै जाने बताएका छन् ।

भवन निर्माणको जिम्मा पाएको डी एण्ड डी पुष्पाञ्जली जेभीका प्रमुख सञ्जय पन्थीले तोकिएकै समयमा काम सम्पन्न गर्ने प्रतिबद्धता जनाउनुभएको छ । जग्गा उपलब्ध भएपछि कम्पनीले चन्द्रकोट गाउँपालिका ७ को रुपाकोटमा एक करोड ५७ लाख रुपैयाँको लागतमा भवन निर्माण सुरु गरेको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्