झारफुकका नाममा यातना दिएर ज्यान लिने दम्पती कारागार चलान

 फागुन ७, २०७७ शुक्रबार २०:१:२१ | जनार्दन घिमिरे
unn.prixa.net

प्रतिकात्मक तस्बिर

गुल्मी – गुल्मीमा झारफुकको नाममा बिरामीलाई क्रुर यातना दिएर ज्यान लिने एक दम्पती पुर्पक्षका लागि कारागार चलान भएका छन् । गुल्मीको मालिका गाउँपालिका ६ अर्जे घर भइ तम्घासकाे रेसुङ्गा नगरपालिका २ जीप पार्कमा बस्दै आएका ३८ वर्षीय रामप्रसाद श्रेष्ठ र ३६ वर्षीया शान्तिला श्रेष्ठ रहेका छन् । 

जिल्ला प्रहरी कार्यालय गुल्मीले उनीहरूलाई जन्मकैदको मागदाबीसहित गुल्मी जिल्ला अदालतमा अभियोगपत्र पेस गरेको थियो । गुल्मी जिल्ला अदालतका न्यायाधीश राधाकृष्ण उप्रेतीको इजलासले शुक्रवार दुवै जनालाई पुर्पक्षका लागि जिल्ला कारागार गुल्मीमा पठाउने आदेश दिएको गुल्मी जिल्ला अदालतका स्रेस्तेदार भीमप्रकाश भुसालले जानकारी दिनुभयाे । 

श्रेष्ठ दम्पतीले गएकाे पुस २८ गते राति झारपुकको नाममा रड, पाइप र झाँझर तताएर शरीरमा डाम्दा इस्मा गाउँपालिका ३ का ६४ वर्षीय रामबहादुर मुखियाको ज्यान गएको थियो । श्रेष्ठ दम्पतीले मुखियालाई झारफुक गरी निकाे बनाउने भन्दै चार दिनसम्म कोठामा राखेर फलामले शरीरभरि डाम्ने क्रममा यातना सहन नसकेपछि मुखियाको घटनास्थलमै ज्यान गएको थियो ।

त्यस घटनामा मृतकका ३४ वर्षीय छोरा हुमबहादुर मुखिया र रेसुङ्गा नगरपालिका ५ की ४० वर्षीया टोपला दमाईसमेत घाइते भएका थिए । 
 

अन्तिम अपडेट: मंसिर १६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ । 

तपाईको प्रतिक्रिया

समाचार

लोकप्रिय

१

भारत, चीनलगायत ब्रिक्स राष्ट्रलाई ट्रम्पकाे चेतावनी– ‘डलरको विकल्प खोजे शतप्रतिशत कर लगाउँछु’

२

काेशीका तत्कालीन मन्त्री अधिकारीलाई मुद्दा नचलाउने निर्णयविरुद्ध सर्वाेच्चमा परेकाे रिट दरपीठ

३

अमेरिकाले ताइवानलाई हतियार बेच्ने प्रस्ताव स्वीकृत गरेकोमा चीनको कडा आपत्ति

४

६ वटा देशमा एचआईभी सङ्क्रमण एक सय प्रतिशतले वृद्धि

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई