रोल्पाका आगलागी पीडितकाे बिचल्ली

वैशाख १६, २०७८ बिहीबार १३:१९:५० | माधवकुमार ओली

रोल्पा – त्रिवेणी गाउँपालिका–२ पिरालेकी पार्वती सेन ठकुरी मङ्गलवार बैंक खाता खोल्न गाउँपालिकाको केन्द्र जुँगार जानुभएको थियो, त्यही दिन दिउँसो जङ्गलमा लागेको आगो गाउँ पस्दा उहाँको घर सखाप पार्‍याे । अहिले जलेको घर हेरेर बस्नेबाहेक उहाँसँग अरू कुनै उपाय छैन । पार्वतीका जस्तै धेरैकाे अवस्था अहिले यस्तै छ ।

आगलागीबाट त्रिवेणी गाउँपालिका २ पिराले, बर्तीबाङ र चेत्रेका ४२ घरगोठ जलेर नष्ट भएका छन् । आगलागीबाट घरमा भएका सामानहरू जलेर नष्ट भएका छन् । १६ बाख्रा, सात गाई र एउटा सुँगुर जलेर मरेका छन् ।

सोमवार धनबाङको जङ्गलबाट सुरु भएको आगो गाउँमा पसेपछि पिराले गाउँ नै सखाप पारेको हो । जङ्गलमा लागेको आगो नियन्त्रणका लागि स्थानीय जनप्रतिनिधि, प्रहरी प्रशासन लागे पनि अहिलेसम्म नियन्त्रणमा आउन नसकेको त्रिवेणी गाउँपालिकाका अध्यक्ष शान्तकुमार ओलीले बताउनुभयो ।

आगलागी भएको ठाउँमा बुधवार रेडक्रसको टोलीले गैरखाद्य सामग्री वितरण गरेको छ भने गाउँपालिका र वडा कार्यालयले केही खाद्यान्न वितरण गरेको नेपाल रेडक्रस सोसाइटी जिल्ला शाखा रोल्पाका सभापति डी.बी. घर्तीले जानकारी दिनुभयो ।

आगलागीबाट घरबारविहीन भएका यहाँका अग्नि पीडितहरू अहिले गाँस, बास र कपासका लागि हारगुहार गरिरहेका छन् । यस्तो बेलामा सबैले सहयोग गर्न त्रिवेणी गाउँपालिका २ का वडाध्यक्ष कविराज बुढाले आग्रह गर्नुभयो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

माधवकुमार ओली

रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्