लमजुङमा कांग्रेसको वडा अधिवेशन तयारी

भदौ १६, २०७८ बुधबार २०:२८:३५ | श्यामशितल परियार

लमजुङ – लमजुङमा पनि नेपाली कांग्रेसको १४ औँ महाधिवेशनको सरगर्मी बढेको छ । महाधिवेशन अन्तर्गत वडा तहको चुनाव भदौ १८ गते हुने निश्चित भएसँगै जिल्लामा कांग्रेसका नेता तथा कार्यकर्ताको चहलपहल बढ्न थालेको छ ।

केन्द्रीय निर्वाचन समितिले लमजुङमा खटाएका जिल्ला निर्वाचन अधिकृत थानेश्वर दुवाडी र नेपाली कांग्रेस जिल्ला कार्य समिति लमजुङबीच बुधवार बसेको बैठकले भदौ १८ गते वडा अधिवेशन गर्ने सुनिश्चित गरेसँगै तयारी प्रारम्भ भएको पूर्व पार्टी सभापति एवम् कांग्रेस नेता तुलसीनारायण श्रेष्ठले जानकारी दिनुभयो ।

‘जिल्लामा वडा अधिवेशन एक/दुई दिन तलमाथि हुन्छ कि भन्ने द्विविधा थियो तर आजको बैठकले भदौ १८ गते नै वडा अधिवेशन गर्ने सुनिश्चित गरेको छ । अब अधिवेशनको तयारी सुरु भएको छ,’ उहाँले भन्नुभयो ।

लमजुङमा वडा अधिवेशन सम्पन्न गराउनका लागि भातृ सङ्गठन नेपाल शिक्षक सङ्घमा आवद्ध व्यक्तिलाई मतदान अधिकृतका रूपमा खटाइने भएको छ ।

लमजुङमा ७५ वडा रहेका छन् । वडा अधिवेशनका लागि हरेक वडामा एक/एक जनाका दरले शिक्षक सङ्घमा आबद्ध व्यक्तिलाई मतदान अधिकृतका रूपमा खटाइने पार्टीले जनाएको छ ।

वडाको अधिवेशन आउन अब केही दिन मात्रै बाँकी रहँदा लमजुङमा वडा–वडामा नेता, कार्यकर्ताबीच भेला, छलफल हुन थालेको नेपाली कांग्रेस क्षेत्र नं २ का क्षेत्रीय सभापति बिर्खराज गुरुङले जानकारी दिनुभयो ।

उहाँका अनुसार लमजुङमा भदौ १८ गते वडा अधिवेशन, भदौ २७ गते पालिकास्तरीय अधिवेशन, असोज १ गते प्रदेश सभा क्षेत्रीय अधिवेशन र असोज ५ गते जिल्ला अधिवेशन हुँदैछ ।

उहाँका अनुसार लमजुङका सबै वडाबाट समावेशी रूपमा क्षेत्रीय प्रतिनिधि चुनिएर आउँछन् । ती प्रतिनिधिले नै नगर अधिवेशन, प्रदेश सभा क्षेत्रीय अधिवेशन र जिल्ला अधिवेशन सम्पन्न गराउनेछन् ।

एक सय ५० जनासम्म क्रियाशील सदस्य रहेका वडाबाट १६ जना, दुई सय ५० भन्दा बढी क्रियाशील सदस्य रहेका वडाबाट २६ जना र तीन सय ५० जनाभन्दा बढी क्रियाशील सदस्य रहेका वडाबाट ३६ जना क्षेत्रीय प्रतिनिधि चुनिएर आउनेछन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्