दीपकराज गिरीले किने महंगो कार, दीपाश्रीले लेखिन् ‘राजाको सवारी’

वैशाख २१, २०७५ शुक्रबार १८:१:४९ | उज्यालो सहकर्मी

काठमाडौं, वैशाख २१ –अभिनेता दीपकराज गिरीले टाटाको हेक्जा खरिद गरेका छन् । योसँगै दीपकराज गिरी महंगो सवारी साधन प्रयोग गर्ने नेपाली सेलिब्रेटीको सूचीमा परेका छन् ।

हेक्जाको बजार मूल्य झण्डै ८० लाख पर्न आउँछ । यसअघि उनले सिल्भर कलरको सुजुकी डिजायर चढ्दै आएका थिए । कार खरिद गरिसकेपछि खुशी देखिएका अभिनेता गिरीले आफ्नो नियमित काम जस्तै सामान्य लागेको बताएका छन् ।

हामीसँग कुराकानी गर्दै उनले भने, ‘सुजुकी डिजायर चढेको पनि लगभग ४ वर्ष बढी भएछ । त्यो चेन्ज गर्नु पनि थियो । यात्रालाई अलि सहज र सुरक्षित बनाउनका लागि पनि नयाँ किन्न चाहिरहेको थिएँ । अन्तत: टाटाको हेक्जा जुर्न गयो । मनमा त खुशी भै नै हाल्छ तर यो सामान्य प्रक्रियाकै रुपमा लिएको छु ।’

रेडियो नाटक, टेलिभिजनमा हाँस्यव्यङ्ग्य सिरिज ‘तितो सत्य’ हुँदै ठूलो पर्दामा ‘छक्का पञ्जा’ जस्ता कीर्तिमानी सिनेमा निर्माण गरेका गिरीको जीवनमा यो अर्को महत्वपूर्ण उपलब्धी मान्न सकिन्छ । काठमाडौंको थानकोटमा जन्मेका भए पनि कलाकारिताको लागि संघर्ष गर्ने क्रममा कैयौँ किलोमिटर पैदल हिँडेका उनी टाटाको हेक्जा खरिद गर्दा उनी खुशी देखिन्थे ।

थानकोटबाट सिंहदरबारमा रेडियो नाटक गर्न आउने–जाने गिरी पहिलो पटक साइकल चढ्दा संसारकै खतरा मान्छे आफूलाई सम्झन्थेँ । कलाकारितामा निरन्तर लागि परेका गिरीले टाटाको हेक्जा खरिद गर पछि ‘छक्का पञ्जा’ टिमले सामाजिक सञ्जालमा खुशी साटासाट गर्दै फोटो पोष्ट गरेका छन् ।

यही खुशी साट्ने क्रममा दीपाश्री निरौलाले ‘राजाको सवारी’ भनेर फोटो पोष्ट गरेकी छन् ।

दीपाश्री निरौलाले भनेजस्तै उनको सवारी अब राजाकै जस्तो हुनेछ । आफ्नो कलाकारिताको राम्रै प्रभाव जमाउन सफल दीपकराज गिरीलाई अचेल राजा पनि भनेर भन्न थालेका छन् । खास कीर्तिमानी सिनेमा‘छक्का पञ्जा’को पात्रको नाम राजाले विशेष छाप छोडेका कारण पनि उनलाई राजा नामले बोलाउन थालिएको हो । सुन्नमा आए अनुसार आरामदायी टाटाको हेक्जा‘छक्का पञ्जा ३’को सुटिङमा प्रयोग हुनेछ ।

‘छक्का पञ्जा ३’यही वैशाख अन्तिम सातादेखि फ्लोरमा जानेछ । जे होस् राजा अर्थात दीपकराज गिरीको सवारी अब टाटाको हेक्जामा हुने भएको छ । राजालाई शुभकामना ।

-उज्यालाे र गफगाफ डट कमकाे सहकार्यमा

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्