बाक्लो हिमपातका कारण हुम्लाको तुम्लिङमा फसे १२ जना पदयात्री

कात्तिक ४, २०७८ बिहीबार ११:१३:४३ | रासस

हुम्ला - बाक्लो हिमपातका कारण बाटो छिचोल्न नसक्दा हुम्लाको लिमी क्षेत्रको तुम्लिङमा १२ जना पदयात्री फसेका छन् । उत्तरी नाम्खा गाउँपालिकाको हिल्सा र लिमीका पदयात्रामा आएका स्लोभानियाका चार नागरिक, तीन पथ प्रदर्शक र पाँच स्थानीय तुम्लिङमा फसेका हुन् ।

आइतवार रातिदेखि परेको बाक्लो हिमपातले बाटो छिचोल्न नसकेपछि पर्यटकीय क्षेत्र नाम्खा गाउँपालिकाको लिमीको पदयात्रा सकाएर सिमकोट फर्किने क्रममा उनीहरु तुम्लिङमा रोकिन बाध्य भएका प्रमुख जिल्ला अधिकारी गणेश आचार्यले जानकारी दिनुभयो ।

हिमपातका कारण नाम्खा गाउँपालिका–६ को लिमीको न्यालु लेकको बाटो बन्द हुँदा बाटो छिचोल्न नसकेर विदेशीसहित १२ जना पदयात्री रोकिएका हुन् । असोज २२ गते सिमकोटबाट हिल्सा हुँदै लिमीको पदयात्रामा गएका टोली र पदयात्रापछि टोली न्यालु लेक हुँदै पैदलमार्गबाट सिमकोट आउने कार्यक्रम थियो ।

आइतवारदेखि परेको न्यालु लेकमा बाक्लो हिमपात परेकाे हुँदा टोली उतै रोकिनुपरेको रिचा टुरका हुम्ला प्रतिनिधि पेमा लामाले बताउनुभयो । न्यालु लेकमा तीन फिटभन्दा बढी हिमपात परेकाले बाटो बन्द भएपछि स्थानीय नागरिक आन्तरिक तथा बाह्य पर्यटकलाई आवतजावतमा समस्या रहेको नाम्खा गाउँपालिका–६ का वडाध्यक्ष पाल्जोर तामाङले बताउनुभयो ।

उद्धारका लागि हेलिकप्टरको व्यवस्थाका लागि गृहमन्त्रालयलाई आग्रह गरिएकाे प्रमुख जिल्ला अधिकारी आचार्यले जानकारी दिनुभयो।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाक्लो हिमपातका कारण हुम्लाको तुम्लिङमा फसे १२ जना पदयात्री

फाइल तस्बिर

तपाईको प्रतिक्रिया