नेप्से सामान्य घट्याे, साढे ८ अर्ब रुपैयाँकाे शेयर काराेबार
मंसिर १३, २०८१ बिहिबार
‘मरुभूमिमा विस्फोट’, माया र सम्झना बोकेर रोजगारी गर्न फेरि यूएई उडेँ
कम्पनीले दिएको बिदा सकिएको थियो । बिदामा घर आउनेलाई परदेश उड्न खासै अप्ठ्यारो त थिएन । तर सामान्य अवस्था हुँदा जस्तो सजिलो पनि थिएन ।
देशको एउटा मात्र अन्तर्राष्ट्रिय विमानस्थल पुग्न नै विभिन्न समस्याहरू भोग्न पर्ने ।
परदेशबाट जाँदाजस्तो घरबाट फर्किँदा हामी परदेशीको साथमा खासै सामान हुँदैन । हाते झोलालाई बसको सामान राख्ने ठाउँमा राखे । आफ्नो सिटमा बसेँ ।
पाल्पाको तानसेनबाट गन्तव्य तिर लाग्दा बिहानको सूर्य उदाउन बाँकी नै थियो । हल्का चिसो हावा नाक र कानमा ठोकिन्थ्यो । त्यो सिरेटो पनि परदेश हिँड्यो भनेर मसँग रिसाए झैँ अनुभव हुन्थ्यो ।
आ–आफ्नो उद्देश्य लिएर बसमा बसेका यात्रीसहित बस घाम नउदाउँदै पाल्पाबाट काठमाण्डौका लागि छुट्यो ।
यात्रीको खचाखच थियो बसमा । कोरोना त एकादेशको कथाजस्तै लाग्थ्यो यात्रीलाई देख्दा । न त कुनै सामाजिक दूरी कायम थियो न त सबैले सही तरिकाले मास्क लगाएका थिए । अधिकांशले त लगाएकै थिएनन् ।
मलाई भने डर लाग्यो । आफूलाई विदेश उड्नु छ । कतै काठमाण्डौ आएर पीसीआर परीक्षण गर्दा पोजेटिभ आयो भने के गर्ने ? मनमा त्रास छायो ।
अक्सिजन नपाएर, आइसियुको अभावमा छटपटिएर मानिसले ज्यान गुमाएको अस्तिको त्यो त्रासदीपूर्ण समयले पनि मानिसलाई पाठ सिकाएको रहेनछ ।
तर परिस्थिति अनुसार आफूलाई ढाल्नु बाहेक विकल्प नहुने रहेछ । आफू सुरक्षित रहने कोसिस गरेँ । मास्क लगाए । बेलाबेला स्यानिटाइजरको प्रयोग पनि गरेँ ।
मेरो आशा थियो घाम अस्ताउनुअघि नै म काठमाण्डौ पुग्नेछु । तर राजमार्गको यात्रा पनि भनेजस्तो नहुने रहेछ ।
राजमार्ग भए पनि बाटो हेर्दा मन नै अमिलो भयो । बस कयौँ पटक जाममा फसिरह्यो । म लगायत सबै यात्री भोक र प्यास नभनेर जाम खुल्ने प्रतीक्षामा बसिरह्यौँ ।
घण्टौँको जामपछि बाटो खुल्दा पनि ठूलै युद्ध जिते झैं लाग्ने रहेछ ।
हामीहरू जाममा फसे पनि घडीको सुई भने घुमिरहेको थियो । खाना खान बस रोक्दा दिउँसोको तीन बजिसकेको थियो । दिउँसोको खाजा र खाना एकै पल्ट भयो ।
राजमार्गका होटलको अवस्थाको त कुरै नगरौँ । तर पनि भोक त मेटाउनै पर्यो ।
खाना खाएपछि बस पुन गन्तव्य तिर हुइँकियाे । समयमा पुग्ने आस जामले मरिसकेको थियो। खाना खाएपछि आँखा झपक्क लागेछ । उठ्दा घाम अस्ताउँदै गरेको दृश्य देखियो । बाटो अझै धेरै नै बाँकी थियो ।
कति बेला गन्तव्यमा पुगिएला भन्ने कुराले मन आत्तिइसकेको थियो । रातले दिनलाई छोप्यो । आकाशमा ताराहरू बढ्दै गए । हामीहरू भने अझै गन्तव्यमा पुग्न सकेनौँ । घडीको सुईले दस बजाउँदा काठमाण्डौ आइपुगियो ।
थकानले शरीर उठ्न कठिन मानेको थिएन । बल्ल तल्ल उठेर हातमुख धोई सकेपछि एक कप तातो चिया पिएँ । तर चिन्ता पीसीआर रिपोर्ट कै थियो ।
गेस्ट हाउसको काउन्टरमा बुझेँ । हस्पिटल नजिकै रहेछ । अरू पनि थुप्रै साथीभाइ रहेछन् । गेस्ट हाउसको गाडीमा हस्पिटल तिर लागियो । खासै समय लागेन । चेक गरेपछि केही समय बाँकी थियो । यो समय पनि मेरो लागि मूल्यवान् नै थियो ।
परदेशमा खाली समय सदुपयोग गरी लेखिएको मेरो आफ्नै पुस्तक मरुभूमिमा विस्फोट लघुकथा प्रकाशित भएको थियो । केही प्रति लिन मलाई प्रकाशनतिर जानु थियो ।
प्रकाशनमा पुग्दा एउटा अनौठो सरप्राइज पनि पाए । म परदेशीलाई बिदाइ तथा मेरो लघुकथा मरुभूमिमा विस्फोटको लागि सानो कार्यक्रम रहेछ । छोटो तर त्यो मिठो कार्यक्रमले मलाई आउँदा दिनमा पनि लेखिरहन प्रेरित गर्यो ।
साहित्यिक माया देखेर मन अति खुसी र हर्षित भयो । सानो तर अविस्मरणीय त्यो कार्यक्रम मिलाउने सम्पूर्ण साहित्यकारलाई मनदेखि आभार व्यक्त नगरी रहन सकिनँ ।
मरुभूमिमा विस्फोट लगायत अरू पनि पुस्तक लिएर त्यहाँबाट बिदा भए । वास्तवमा प्रदेशमा खाली समयमा यस्ता रचना र लेख लेख्दा आफ्नो मनमा सन्तुष्टि त हुन्छ नै साथै अरू बाट पाउने माया झन् आनन्ददायी हुँदो रहेछ ।
गेस्ट हाउसमा पुग्दा पीसीआर रिपोर्ट आइसकेको रहेछ । म ढुक्क भएँ ।
अर्को दिन बिहान मलाई चाँडै नै एयरपोर्ट पुग्नु थियो । दिउँसो उडान भएकोले बिहानै र्यापिड टेस्ट गर्नु पर्ने प्रावधान छ । बेलैमा टेस्ट भयो । टेस्ट गरेपछिको समय बिताउन भने धौ धौ भयो । एक छिन त्यहाँको अवस्था बुझ्न थाले ।
घरबाट हिँड्नुभन्दा पहिला जुन मनमा खुल्दुली थियो, जस्तो समस्या होला भनेको थिए त्यो त भोग्न परेन । सुधारहरू भएको रहेछ । राम्रो कुरोलाई राम्रो नै भन्नु पर्छ ।
तर पनि सही सूचना पाउन भने अलिक कठिन रहेछ । अहिलेको अवस्थामा विदेश आउँदा सबैभन्दा सजिलो भनेको एयरपोर्ट मै पीसीआर गर्नु रहेछ । बाहिरका निजी हस्पिटलले शुल्क दुई हजार लिएको पाइयो । जब कि एयरपोर्ट भित्र एक हजार दुई सयमा पीसीअर हुँदो रहेछ ।
मलाई पनि यो कुरो थाहा नहुँदा अलमल परेको थिएँ । अब आउने साथीहरूले अलमल नपरी सिधै अन्तर्राष्ट्रिय विमानस्थलको मूल गेटमा रहेका जुन सुकै पीसीआर सेन्टरबाट रिपोर्ट गराउँदा हुन्छ भन्ने मेरो सुझाव छ ।
अब भने सबै रिपोर्ट मेरो हातमा आइसकेको थियो । म एयरपोर्ट भित्र पस्ने तयारी गर्दै थिए । थकाली भान्छा घरमा भर पेट खाना खाएर म एयरपोर्ट तिर लागे । परदेश लाग्नुभन्दा पहिलाको त्यो खाना अति स्वादिलो लाग्यो । सायद जिब्रोलाई पनि लाग्यो होला अबको केही वर्ष यो स्वाद पाउने छुइन भनेर ।
एयरपोर्टमा पुग्दा पहिलाभन्दा धेरै नै सुधार भएको देखेँ । आफ्नो देशको प्रगति देख्दा कुन परदेशी खुसी नहोला र । म पनि खुसी भएँ । विमानस्थल भित्र पहिलेको तुलनामा सफा र चट्ट देखियो । मेरो त सबै कागजात मिलेकाले पनि विमानस्थलमा ठुलो समस्या झेल्न परेन ।
यसपालिको घर बिदामा थुप्रै खुसीहरू पाएँ । माया पाएँ । त्यही अनुभव, माया र खुसी समेट्दै म फेरि कर्मभूमि यूएई उडेँ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
1 Comments
समाचार
-
-
काठमाण्डाै उपत्यकाबाट हराएका २७ वटा मोटरसाइकल तथा स्कुटर फेल...
मंसिर १३, २०८१ बिहिबार
-
काठमाण्डौ महानगरले शुरू गर्याे सानो गौचरन रङ्गशालाको पुनर्नि...
मंसिर १३, २०८१ बिहिबार
-
क्यानडाको जङ्गलमा ५ हप्ताअघि हराएका युवक जीवितै भेटिए
मंसिर १३, २०८१ बिहिबार
-
ताप्लेजुङकाे सुपर काबेली ए जलविद्युत् आयोजनाको परीक्षण सम्पन्न
मंसिर १३, २०८१ बिहिबार
-
क्यानडाका अलराउन्डर हर्ष ठाकरले जनकपुरबाट एनपीएल खेल्ने
मंसिर १३, २०८१ बिहिबार
-
लगानीका लागि अझै केही कानून संशोधन गर्न जरुरी : अध्यक्ष ढकाल
मंसिर १३, २०८१ बिहिबार
-
एम्बुलेन्सकाे साइरनमा रहेको माइक्रोफोनभित्र लुकाइएको अवस्थामा ...
मंसिर १३, २०८१ बिहिबार
-
बलात्कार मुद्दामा फसाइदिने धम्की दिएर रकम असुल्ने ३ जना पक्राउ
मंसिर १३, २०८१ बिहिबार
-
नेपाल र फिनल्यान्डबीच सार्वजनिक लगानी परिचालन परियोजनासम्बन्धी...
मंसिर १३, २०८१ बिहिबार
-
काम मिलाइदिन्छु भन्दै यात्रुलाई दुःख दिने १८ जना बिचौलिया पक्राउ
मंसिर १३, २०८१ बिहिबार
-
कर्णाली याक्समा अनुबन्ध ओमानका पूर्वकप्तान मक्सूद नेपाल आइपुगे
मंसिर १३, २०८१ बिहिबार
-
परराष्ट्रमन्त्री राणा चीन प्रस्थान
मंसिर १३, २०८१ बिहिबार
-
सुदूरपश्चिमबाट एनपीएल खेल्न न्युजिल्यान्डका कुगेलेइन र इङ्ग्ल्यान्...
मंसिर १३, २०८१ बिहिबार
विचार
-
महिला हिंसाविरुद्धका कानून बने, कार्यान्वयन भएनन्
मंसिर १२, २०८१ बुधबार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
लव जोशी
Nov. 26, 2021, 12:25 p.m.अनुभव बनाँड्नु भएकोमा खुसी लाग्यो। निरोगी र सतर्क रहनु होला । सफलताको शुभकामना।