रुस–युक्रेनबीचको युद्ध अन्त्यका लागि वार्ताको सङ्केत : आक्रमणविरुद्ध विश्वभर प्रदर्शन

फागुन १४, २०७८ शनिबार ७:८:४० | एजेन्सी

रुस–युक्रेनबीचको युद्ध अन्त्यका लागि वार्ताको सङ्केत देखिएको छ । युक्रेनका राष्ट्रपति भोलोदिमिर जेलेन्स्कीले देशवासीलाई सम्बोधन गरी आफूले रुसलाई युद्धविरामका लागि अपिल गरिरहेको बताउनुभएको छ ।

रुसले आक्रमण गरेको र यसको अन्त्यका लागि ढिलो–चाँडो रुसले युक्रेनसँग कुरा गर्नुपर्नेमा उहाँको जोड छ । युक्रेनका राष्ट्रपति जेलेन्स्कीले जति छिटो संवाद सुरू हुन्छ रुसलाई त्यति कम क्षति हुने प्रतिक्रिया दिनुभएको छ ।

रुसले अस्ति बुधवार आक्रमण सुरु गरेपछि युक्रेनका विभिन्न ठाउँमा घटना भइरहेका छन् । रुसी सैनिक युक्रेनको राजधानी किएभ पुगेका छन् । किएभभरि खतरा जनाउने साइरन बजेको सुनिएको बीबीसीले जनाएको छ ।

आक्रमणपछि ज्यान गुमाउने सैनिक र गैरनागरिकको फरक फरक विवरण सार्वजनिक भएका छन् । युक्रेनी रक्षा मन्त्रालयले अहिलेसम्म एक हजार जनाभन्दा धेरै रुसी सैनिक मारिएको समेत दाबी गरेको छ ।

रुसले किएभनजिक मात्रै दुई सय युक्रेनी सैनिक मारिएका जनाएको छ । बेलायतको रक्षा मन्त्रालयले अहिलेसम्म साढे चार सय रुसी सैनिक मानिएको विवरण सार्वजनिक गरेको छ ।

संयुक्त राष्ट्रसङ्घले अहिलेसम्म २५ जना गैर नागरिक मारिएको जनाएको छ । केही घाइते भएका छन् । दुवैतर्फ ज्यान गुमाउनेको पूर्ण विवरण आउन सकेको छैन । आक्रमण नरोकिएसम्म आफूहरूले देशको रक्षा गरिरहने पनि युक्रेनी राष्ट्रपतिको भनाइ छ ।

युक्रेनले बेलायत तथा अन्य मित्रदेशलाई रुसी आक्रमण रोक्न सहयोग गर्न आग्रह पनि गरेको छ । तर रुसी विदेशमन्त्री सर्गेइ लाभरोभले युक्रेनी सेनाले आत्मसमर्पण गरेमा वार्ता गर्न मस्को तयार रहेको जवाफ दिनुभएको छ । युक्रेनको राजधानी किएभमा रुसी आक्रमणकारी सेनाहरू अघि बढ्दै गर्दा उहाँको याे टिप्पणी आएको हो ।

युक्रेनमा रुसले आक्रमण सुरु गरेपछि विश्वभर त्यसको विरोधमा प्रदर्शन भइरहेको छ ।युद्ध रोक्न अपिल गर्दै प्रदर्शन भइरहेको हो । राष्ट्रपति भ्लादिमिर पुटिनविरुद्ध रुसकै नागरिकले पनि प्रदर्शन गर्दै आएका छन् ।

हजारौँ नागरिक सडकमा ओर्लिएका त्यहाँको एउटा स्वतन्त्र मानव अधिकार समूहले जनाएको छ । अमेरिकाले रुसी आक्रमणका कारण ५० लाख मानिस विस्थापित हुने र त्यसले विश्वका ठूलामध्येको एउटा शरणार्थी सङ्कट सिर्जना गर्ने चेतावनी दिएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रुस–युक्रेनबीचको युद्ध अन्त्यका लागि वार्ताको सङ्केत : आक्रमणविरुद्ध विश्वभर प्रदर्शन

फाइल तस्बिर

तपाईको प्रतिक्रिया