रुस र युक्रेनबीच वार्ता सुरु, युद्धविराम गर्नुपर्ने युक्रेनी प्रस्ताव

फागुन १६, २०७८ सोमबार १७:४४:१० | एजेन्सी

रुस र युक्रेनबीच शान्ति वार्ता सुरु भएको छ । रुसी सेनाले युक्रेनमा आक्रमण सुरु गरेको पाँचौँ दिन दुई देशका प्रतिनिधिमण्डलले युद्ध अन्त्य गर्ने उद्देश्यले वार्ता सुरु गरेका हुन् ।

युक्रेनसँगको सीमा क्षेत्रमा पर्ने बेलारुसको एक क्षेत्रमा भइरहेको दुईपक्षीय वार्ताकाे सुरुमै युक्रेनले युद्धविराम गरेर वार्ता अघि बढाउन आग्रह गरेको बीबीसीले जनाएको छ ।

यसअघि वार्ता टोली पठाउँदै गर्दा पनि युक्रेनी राष्ट्रपतिको कार्यालयले तुरुन्त युद्धविराम र रुसी सेना फिर्ता गर्न चाहेको बताएको थियो । युक्रेनले युद्धविराम र युक्रेनबाट रुसी सेना फिर्तीको माग राखेपछि वार्ताले सकारात्मक मोड लिने सम्भावना कम रहेको अधिकारीहरूले बताएका अन्तर्राष्ट्रिय सञ्चारमाध्ययमहरूले जनाएका छन् । युक्रेनका राष्ट्रपति भोलोदिमिर जेलेन्स्कीले यसअघि नै वार्ताले सकारात्मक नतिजा दिनेमा आफूलाई विश्वास नभएको बताउनुभएको थियो ।

रुसी सेनाले युक्रेनमा अहिले पनि आक्रमण जारी राखेका छन् । रुसी वार्ताकार भ्लादिमिर मेडिन्स्कीले पनि रुसी दुवै पक्षको हितमा भएको सम्झौतामा पुग्न चाहेको बताउनुभएको बीबीसीले जनाएको छ ।

युक्रेनकाे राष्ट्रपति कार्यालयले तुरुन्त सङ्घर्ष विराम लागू हुनुपर्ने र रुसी सेनालाई देशबाहिर निकाल्नुपर्ने जनाएकाे छ । यस्तै रुसका मध्यस्थकर्ता भ्लादिमिर मिदियन्सकीले रुसले दुवै पक्षका हित हुने सम्झाैता चाहेकाे बताउनुभएकाे छ ।

याे वार्ता सुरु हुनुभन्दा अघि युक्रेनका राष्ट्रपति भाेलाेदिमिर जेलेन्स्कीले रुसी सेनालाई हतियार बिसाउन र युक्रेनलाई तुरुन्त युराेपेली सङ्घकाे सदस्यता दिन माग गर्नुभएकाे थियाे ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रुस र युक्रेनबीच वार्ता सुरु, युद्धविराम गर्नुपर्ने युक्रेनी प्रस्ताव

तस्बिर : बेलारुसकाे विदेश मन्त्रालयबाट

तपाईको प्रतिक्रिया