५ सय ५२ पालिकाको मत परिणाम सार्वजनिक : कांग्रेसकाे २ सय ४६, एमालेकाे १ सय ५७ र माओवादीकाे १ सय २

जेठ ५, २०७९ बिहीबार १२:२३:४६ | उज्यालो सहकर्मी

काठमाण्डाै - पालिका चुनाव–२०७९ अन्तर्गत अहिलेसम्म ५ सय ५२ वटा पालिकाको अन्तिम मत परिणाम सार्वजनिक भएको छ । १ सय ६५ वटा नगरपालिका र ३ सय ८७ वटा गाउँपालिका गरी ५ सय ५२ वटा पालिकाको अन्तिम नतिजा सार्वजनिक भएको हो।

कांग्रेस
अहिलेसम्म नेपाली कांग्रेस २ सय ४६ पालिका जितेर पहिलो स्थानमा छ । कांग्रेसले ८३ नगरपालिकाको मेयर र १ सय ६३ वटा गाउँपालिकाको अध्यक्ष जितेको छ ।

यस्तै, कांग्रेसले ६४ वटा नगरपालिकाको उपमेयर र १ सय ६८ वटा गाउँपालिकाको उपाध्यक्ष जितेको छ । कांग्रेसले उपमयेर र उपाध्यक्ष गरी २ सय ३२ वटा पालिकामा जितेको हो । कांग्रेसले २ हजार २ सय २४ वटा वडाध्यक्ष पद जितेको छ ।

एमाले
एमाले दोस्रो स्थानमा कायमै छ । एमालेले अहिलेसम्म ५१ वटा नगरपालिकाको मेयर र १ सय ६ वटा गाउँपालिकाको अध्यक्ष गरी १ सय ५७ वटा पालिकाको प्रमुख पद जितेको छ ।

यस्तै, एमालेले ६३ वटा नगरपालिकाको उपमेयर, १ सय ४ वटा गाउँपालिकाको उपाध्यक्ष गरी उपमेयर तथा उपाध्यक्ष १ सय ६७ वटा जितेको छ । एमालेले एक हजार ७ सय ५९ वटा वडाध्यक्ष जितेको छ ।

माओवादी
नेकपा माओवादी केन्द्रले १६ वटा नगरपालिकाको मेयर र ८६ वटा गाउँपालिकाको अध्यक्ष गरी १ सय २ वटा पालिकाको प्रमुख पद जितेको छ ।

माओवादी केन्द्रले २५ वटा नगरपालिकाको उपमेयर, ८५ वटा गाउँपालिकाको उपाध्यक्ष गरी १ सय १० वटा उपमेयर/उपाध्यक्ष जितेको छ । माओवादीले अहिलेसम्म ९ सय २९ वटा वडाध्यक्ष पद जितेको छ ।

नेकपा ( एकीकृत समाजवादी)
नेकपा एकीकृत समाजवादीले ६ वटा नगरपालिकासहित १३ पालिकामा मेयर तथा अध्यक्ष जितेको छ । त्यस्तै उपमेयर तथा उपाध्यक्षमा एकीकृत समाजवादीले १७ वटा पालिकामा जितेको छ ।

जसपा
जनता समाजवादी पार्टी (जसपा) ले अहिलेसम्म १४ वटा पालिकामा अध्यक्ष जितेको छ । जसपाले १२ वटामा उपाध्यक्ष जितेको छ । जसपाले २ सय वडामा अध्यक्ष जितेको छ ।

स्वतन्त्र/अन्य दल
यस्तै स्वतन्त्र र अन्य दलले गरी २० वटा पालिकामा मेयर/अध्यक्ष जितेका छन् भने १४ वटा पालिकामा उपमेयर तथा उपाध्यक्ष जितेका छन् । स्वतन्त्र तथा अन्य गरी ४ सय ७५ वडामा अध्यक्ष निर्वाचित भएका निर्वाचन आयोगको विवरण छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्