अमेरिकाको एक विद्यालयमा भएको गोली प्रहारमा ज्यान गुमाउनेको सङ्ख्या २१ जना पुग्यो

जेठ ११, २०७९ बुधबार १८:१:२५ | एजेन्सी

अमेरिकाको टेक्सस राज्यमा रहेको एउटा प्राथमिक विद्यालयमा बन्दुकधारीले गोली प्रहार गर्दा ज्यान गुमाउनेको सङ्ख्या २१ जना पुगेको छ । गोली प्रहारबाट कम्तीमा १९ जना बालबालिका र द जना वयस्क गरी २१ जनाको ज्यान गएको बीबीसीले जनाएको छ ।

गोली प्रहार भएको विद्यालयमा सातदेखि दश वर्ष उमेर समूहका बालबालिका अध्ययन गर्छन् । रब एलिमेन्ट्री स्कुलमा पुग्नुअघि ती बन्दुकधारीले आफ्नी हजुरआमालाई गोली हानेको टेक्सस राज्यका गभर्नर ग्रेग याबटलाई उद्धृत गर्दै बीबीसीले जनाएको छ । विद्यालयमा झन्डै पाँच सय जना बालबालिका रहेका र ज्यान गुमाउनेकाे सङ्ख्या बढ्न सक्ने राज्य सरकारले जनाएको छ ।

विद्यालयमा जथाभाबी गोली चलाउनुको कारण खुलेको छैन । विद्यालयमा गोली चलेको थाहा पाएपछि नजिकै रहेका एक सीमा रक्षकले विद्यालयमा गएर आक्रमणकारीलाई मारिदिएका स्थानीय प्रहरीले जनाएको छ ।

राष्ट्रपति जो बाइडेनले मृतकहरूको सम्झनामा तीन दिनसम्म राष्ट्रिय झण्डा आधा झुकाउन निर्देशन दिनुभएको छ । ह्वाइट हाउसबाट गरिएको सम्बोधनमा बाइडेनले बन्दुक नियन्त्रणका लागि आह्वान गर्दै धेरै मानिस प्रभावित हुने गरी हुने गोली प्रहारका घटनाका कारण आफू दिक्क भएको बताउनुभएको छ ।

अमेरिकामा यो वर्ष मात्रै समूहमा गोली प्रहार भएका २६ वटा घटना भएका छन् । दश दिनअघि मात्रै न्युयोर्क राज्यमा भएको आक्रमणका १० जनाको ज्यान गएको थियो ।

* यसअघि ज्यानगुमाउनेकाे सङ्ख्या अन्यथा भएकाेमा सच्याइएकाे छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकाको एक विद्यालयमा भएको गोली प्रहारमा ज्यान गुमाउनेको सङ्ख्या २१ जना पुग्यो

तस्बिर : एजेन्सी

तपाईको प्रतिक्रिया