अमेरिकाको कारण युक्रेनमा पहिले प्रहार नगरेका लक्ष्यहरूमा प्रहार गर्न बाध्य हुनेछौँ : पुटिन

जेठ २२, २०७९ आइतबार १७:११:२ | एजेन्सी

रुसी राष्ट्रपति भ्लादिमिर पुटिनले अब युक्रेनमा लामो दुरीका क्षेप्यात्रमार्फत आक्रमण बढाउने चेतावनी दिनुभएको छ । अमेरिका र युरोपेली देशले युक्रेनलाई लामो दुरीमा मार हान्न सक्ने हतियार प्रदान गरेर युद्धलाई लम्ब्याउने र रुसलाई उत्तेजित बनाउने काम गरेको भन्दै राष्ट्रपति पुटिनले अब थप आधुनिक हतियारका साथ नयाँ लक्ष्यमा प्रहार गर्ने चेतावनी दिनुभएको समाचार संस्था एएफपीले जनाएको छ ।

एक रुसी टेलिभिजनलाई दिएको अन्तर्वार्तामा पुटिनले युक्रेनलाई थप हतियार आपूर्ति गरेमा मस्कोले उपयुक्त हतियारको परिचालन गर्ने बताउनुभएको छ । पुटिनले भन्नुभएको छ, ‘किएभलाई त्यस्ता क्षेप्यास्त्रहरू उपलब्ध गराइयो भने हामीले उपयुक्त निष्कर्ष निकाल्नेछौँ र हाम्रा हतियारहरू प्रयोग गर्नेछौँ, हामीले पहिले प्रहार नगरेका लक्ष्यहरूमा प्रहार गर्न बाध्य हुनेछौँ ।’

गएको अप्रिल २८ पछि रुसले आज आइतवार फेरि युक्रेनकाे राजधानी किएभमा आक्रमण गरेको छ । किएभमा फेरि आक्रमण थालेर रुसले अमेरिका र अन्य पश्चिमा देशलाई सन्देश दिन खोजेको खबरमा उल्लेख छ ।

अमेरिकाले युक्रेनलाई ८० किलोमिटरसम्म मार हान्न सक्ने अत्याधुनिक हिमर्स मल्पिटल रकेट प्रणाली भएका हतियार पठाउन थालेको छ । सैन्य विज्ञका अनुसार यो प्रणालीले युक्रेन थप बलियो हुनेछ र राजधानी किएभबाट सिधै रुससम्म मार हान्न सक्छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकाको कारण युक्रेनमा पहिले प्रहार नगरेका लक्ष्यहरूमा प्रहार गर्न बाध्य हुनेछौँ : पुटिन

फाइल फाेटाे

तपाईको प्रतिक्रिया