२७ वर्षदेखि भारतमा बेपत्ता किसानकाे लमजुङ प्रहरीको पहलमा उद्धार

जेठ ३१, २०७९ मंगलबार २०:२५:४७ | श्यामशितल परियार

लमजुङ – २७ वर्षदेखि भारतमा बेपत्ता हुनुभएका लमजुङको राइनास नगरपालिका ८ तार्कुघाटका किसान परियारको उद्धार गरिएको छ । जिल्ला प्रहरी कार्यालय लमजुङको विशेष पहलमा परियारको उद्धार गरिएको कार्यालयका प्रहरी निरीक्षक एवम् सूचना अधिकारी जगदीश रेग्मीले जानकारी दिनुभयो ।

उहाँका अनुसार परियार बेपत्ता भएपछि आफन्तहरूले आफैँ खाेजी गरे पनि प्रहरीमा भने उजुर गरेका थिएनन् । ‘तार्कुघाटका ४४ वर्षका किसान परियार २७ वर्ष अगाडि कामको सिलसिलामा भारत गइ बेपत्ता हुनुभएको थियो । लमजुङ प्रहरीको पहलमा उहाँकाे उद्धार गरिएको हाे’, उहाँले भन्नुभयो ।

बेपत्ता परियारको खोजीका लागि जेठ ९ गते मात्रै जिल्ला प्रहरी कार्यालय लमजुङमा निवेदन प्राप्त भएको रेग्मीले बताउनुभयाे । प्राप्त निवेदनको विषयमा नेपाली राजदूतावास नयाँ दिल्ली, प्रहरी प्रधान कार्यालय, मानव बेचबिखन तथा अनुसन्धान ब्युरो काठमाण्डौ, दिल्ली प्रहरी, आफन्त नेपाल केन्द्रीय कार्यालय ललितपुर र परिवारसँगको आपसी सहयोग र समन्वयमा किसान परियारलाई उत्तर प्रदेशकाे वासपत जिल्ला मेहरमपुर गाउँबाट जेठ १८ गते उद्धार गरी नेपाल ल्याइ आफन्तको जिम्मा लगाइएको उहाँकाे भनाइ छ ।

रेग्मीका अनुसार परियारको स्वास्थ्य अवस्था सामान्य छ । दुई दशक बढी समयसम्म बेपत्ता भएका आफन्तलाई पाउँदा परियार परिवारमा खुसी छाएको छ । वर्षाैँपछि आफन्त भेट्न पाउँदा अत्यन्तै खुसी मिलेको परियारले बताउनुभयो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्