तिब्बतको उच्च क्षेत्रका १७ हजारभन्दा धेरै मानिसलाई स्थानान्तरण गरिने

असार १४, २०७९ मंगलबार ७:३६:३९ | एजेन्सी

तिब्बतको उच्च क्षेत्र नाग्कु शहरका १७ हजार भन्दा धेरै मानिसलाई स्थानान्तरण गरिने भएको छ । त्यहाँका १७ हजार ५ सय ५५ मानिसलाई शानन शहरमा सार्ने तयारी भैरहेको तिब्बती अधिकारीलाई उद्धृत गरी चिनियाँ समाचार संस्था सिन्ह्वाले जनाएको छ ।

समुद्री सतहभन्दा ४ हजार ५ सय मिटरमाथिको औसत उचाई भएका ठाउँबाट स्थानीयबासिन्दालाई ३ हजार ६ सय मिटरको उचाई रहेको शानन शहरमा स्थानान्तरण गर्न लागिएको हो । मानिसको जीवनस्तर उकास्ने र पठार क्षेत्रको कमजोर पारिस्थितिक प्रणालीको संरक्षण गर्ने स्थानीय कार्यक्रम अन्तर्गत उनीहरूलाई स्थानान्तरण गर्न लागिएको खबरमा उल्लेख छ ।

चिनियाँ राष्ट्रपतिको गरिबी निवारण कार्यक्रमले विकासको पूर्वाधार पुर्‍याउन कठिन हुने उच्च हिमाली क्षेत्रको पातलो बस्तीलाई एकीकृत बस्ती बनाई उनीहरूलाई आधुनिक जीवनशैली विकास गर्ने नीति छ । तिब्बतको एक सयभन्दा बढी शहरमा सञ्चालित स्थानान्तरण योजनाले विगत आठ वर्षमा एक लाख ३० हजार नागरिकको जीवनयापनलाई परिवर्तन गरेको कार्यक्रमको दाबी छ । तिब्बत चीनको स्वायत्त क्षेत्र मानिन्छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्