दाङकाे नेपाल संस्कृत विश्वविद्यालयमा लागेको ताला दुई महिनापछि खुल्याे

असार २०, २०७९ सोमबार १२:५४:२ | हेमराज शर्मा

दाङ - दाङको बेलझुण्डीमा रहेको नेपाल संस्कृत विश्वविद्यालयमा लागेको ताला दुई महिनापछि खुलेको छ ।

नेपाल विद्यार्थी सङ्घले उठाएका १४ बुँदे मागहरुमध्ये आधाभन्दा बढी मागहरु सम्बोधन भएपछि नेपाल संस्कृत विश्वविद्यालय केन्द्रीय कार्यालयमा लागेको ताला दुई महिनापछि खुलेको हो ।

सहमति अनुसार कार्यालयको मुलगेट र प्रशासन शाखालगायतका ठाउँका ताला खोले पनि उपकूलपति र रजिष्ट्रारलगायतका कार्यकक्षको ताला भने यथावत् रहेको नेपाल विद्यार्थी सङ्घले जनाएको छ ।

विद्यार्थीहरुको आउँदै गरेको परीक्षा र कार्यालयको दैनिक प्रशासकीय कार्य सञ्चालनलाई अवरोध नगर्ने उद्देश्यअनुसार दुई महिनादेखि गरिएको तालाबन्दी खोलेको नेपाल विद्यार्थी सङ्घ नेपाल संस्कृत विश्वविद्यालय सङ्घर्ष समितिका संयोजक चोलेन्द्र रिजालले जानकारी दिनुभयो ।

नेपाल विद्यार्थी सङ्घले राखेका मागहरु विश्वविद्यालयले तीन महिनाभित्र दीक्षान्त समारोहको आयोजना गर्नुपर्ने, विद्यापीठमा प्रात एवम् समकालीन कक्षाको व्यवस्था गर्नुपर्ने, छात्रावाससँगै लाइब्रेरीलाई व्यवस्थित गर्दै ई–लाइब्रेरीका रुपमा व्यवस्थित गर्नुपर्ने, विश्वविद्यालयमा कार्यरत आंशिक प्राध्यापकहरुको व्यवस्थापन गर्नुपर्ने, विद्यार्थीमैत्री पाठ्यक्रमको व्यवस्था गर्नुपर्ने, स्वतन्त्र विद्यार्थी युनियनको निर्वाचनको मिति तोक्नुपर्नेलगायतका मागहरु सम्बोधन भएपछि कार्यालयको मूलगेटमा लगाएको ताला खोलिएको बताउनुभयो।

उहाँका अनुसार विद्यार्थीहरुको छात्रवृत्ति २०० प्रतिशतले वृद्धि गर्नुपर्ने, अवैज्ञानिक तवरले गरिएको उपप्राध्यापकको विज्ञापन खारेज गरी वैज्ञानिक अध्ययन गरी सर्वपक्षीय माग सम्बोधन गरी पुनः विज्ञापन हुनुपर्ने, सेवा आयोगको पुनर्गठनसहित विश्वविद्यालयमा हुने आर्थिक अनियमितता छानबिनका लागि समिति गठन गर्नुपर्ने र नेविसङ्घकाे नर्सरीका रुपमा गुरुकुलहरुमा प्रक्रियाबद्ध ढङ्गबाट स्थायी प्राध्यापकको तत्काल व्यवस्था गर्नुपर्ने मागमा सहमति हुन नसक्दा सङ्घर्ष समितिले पदाधिकारीहरुको कार्यकक्षमा भने तालाबन्दीलाई गरिएको बताउनुभयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दाङकाे नेपाल संस्कृत विश्वविद्यालयमा लागेको ताला दुई महिनापछि खुल्याे

साङ्केतिक तस्बिर

तपाईको प्रतिक्रिया