अमेरिकी सभामुख पेलाेसीले ताइवान भ्रमण गरेमा त्यसको परिणाम अमेरिकाले नै भोग्नेछ : चीन

साउन ११, २०७९ बुधबार १८:४३:५२ | एजेन्सी

चीनले अमेरिकी सभामुख न्यान्सी पेलाेसीले ताइवानको भ्रमण गरेमा त्यसबाट उत्पन्न हुने सबै क्षतिको जिम्मेवार अमेरिका नै हुने चेतावनी दिएको छ ।

अमेरिकी सभामुख पेलाेसीले आउँदो अगष्टमा ताइवानको भ्रमण गर्ने सम्भावना रहेको छ । भ्रमणप्रति कडा आपत्ति जनाउँदै चीनले भ्रमणपछिका परिणाम वासिङ्टनले नै भोग्नुपर्ने चेतावनी दिएको समाचार संस्था एएफपीले जनाएको छ । अमेरिकी राष्ट्रपति जो वाइडेन र चिनियाँ राष्ट्रपति सि जिन पिङबीच यसै हप्ता टेलिफोन कुराकानी हुने सम्भावना रहेको बेला चीनको कडा चेतावनी आएको खबरमा उल्लेख छ ।

चिनियाँ विदेश मन्त्रालयका प्रवक्ता झाओ लिजियानले पत्रकार सम्मेलनमा भन्नुभयो, ‘पेलाेसीको सम्भावित ताइवान भ्रमणको हामी कडा विरोध गछौँ, यदी अमेरिका अघि बढ्यो र चीनको बटमलाइनलाई चुनौती दियो भने सबै परिणाम अमेरिकाले नै भोग्नेछ ।’

पेलाेसीको भ्रमणलाई अमेरिकाले औपचारिक रुपमा सार्वजनिक गरेको छैन । ताइवानलाई चीनले आफू प्रशासित क्षेत्र मान्छ भने अमेरिकाले ताइवान एक स्वतन्त्र देश भएको दाबी गर्दै आएको छ । पेलाेसीले ताइवान भ्रमण गरेमा यो सन् १९९७ पछिको पहिलो सभामुखको भ्रमण हुनेछ । ताइवान, मानव अधिकार र प्रविधिको विषयमा लिएर विश्वका २ वटा मुख्य शक्ति राष्ट्रबीच तनाव बढ्दै गएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्