श्रीलङ्काका राष्ट्रपतिको गुनासो : मेरो घर छैन, कहाँ जाउँ ?

साउन १६, २०७९ सोमबार १४:१५:२२ | एजेन्सी

श्रीलङ्काका राष्ट्रपति रनिल विक्रमासिङ्घेले आफूसँग घर नभएको गुनासो गर्नुभएको छ । प्रदर्शनकारीले राष्ट्रपति विक्रमासिङ्घेलाई सरकारी निवास नभइ आफ्नै घर जान धम्की दिएका छन् ।

क्यान्डी सहरमा भएको एक कार्यक्रममा राष्ट्रपति विक्रमासिङ्घेले आफूसँग घर नै नभएकाले प्रदर्शनकारीको मागले कुनै महत्त्व नराख्ने बताएका भारतीय सञ्चारमाध्यम एनडीटीभीको अनलाइन संस्करणले जनाएको छ । प्रदर्शनकारीले यसअघि नै आगो लगाइदिएकाले आफूसँग घर नभएको र फेरि पनि आफ्नै घर जाउ भन्नु समयको बरबादी मात्रै हुने विक्रमासिङ्घेको भनाइ रहेको छ । आफ्नो घर पुनर्निर्माण भएपछि प्रदर्शनकारीको माग सम्बोधन हुन सक्ने राष्ट्रपति विक्रमासिङ्घेले बताउनुभएको छ ।

गएको जुलाइ ९ तारिखमा प्रदर्शनकारीले तत्कालीन प्रधानमन्त्री विक्रमासिङ्घेको घर जलाइदिएका थिए । त्यसअघि उनीहरूले राष्ट्रपति निवास कब्जा गरेका थिए । प्रदर्शनकारीले निवास कब्जा गर्ने सङ्केत पाएपछि तत्कालीन राष्ट्रपति गोटाबाया राजापाक्षे भागेर माल्दिभ्स हुँदै सिङ्गापुर जानुभएको छ । राजापाक्षेले सिङ्गापुरबाटै राजीनामा दिएपछि भएको राष्ट्रपतिको चुनावमा रनिल विक्रमासिङ्घे निर्वाचित हुनुभएको छ ।

गम्भीर आर्थिक सङ्कटमा फसेको श्रीलङ्कामा औषधि, खाद्यान्न, इन्धनलगायतका अत्यावश्यक वस्तुको चरम अभाव छ । देश गरिबी र भोकमरीमा जान थालेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

श्रीलङ्काका राष्ट्रपतिको गुनासो : मेरो घर छैन, कहाँ जाउँ ?

तस्बिर : डीडी न्युज

तपाईको प्रतिक्रिया