मध्य साेलु जलविद्युत् आयाेजनाकाे उपकरण परीक्षण सफल

मंसिर २०, २०७९ मंगलबार २०:३८:५९ | सुवास दर्नाल

सोलुखुम्बु – सोलुखोलामा निर्माण सम्पन्न मध्य सोलुखोला जलविद्युत् आयोजनाको उपकरण परीक्षण तथा चार्जिङ कार्य सफल भएको छ ।

हिजाे सोमवार र आज मङ्गलवार गरिएको विद्युतीय उपकरण परीक्षण तथा चार्जिङको काम सफल भएको आयोजनाले जनाएको छ । २०७७ असोजमा निर्माण सुरु भएको ९ दशमलव ५ मेगावाट क्षमताको आयोजनाले पावर हाउसदेखि खोरिया हुँदै सोलु काेरिडोरको सबस्टेशन तिङलासम्मको १३२ केभी प्रसारण लाइन परिक्षण तथा चार्जिङको काम गरेको मिड सोलु हाइड्रोपावर लिमिटेडका निर्देशक माधव मैनालीले जानकारी दिनुभयो ।

परीक्षणको काम सफल भएकाले आउँदाे बिहीवार नेपाल विद्युत् प्राधिकरणबाट आउने प्राविधिकले निरीक्षण गरेपछि बिजुली उत्पादन सुरु गर्ने आयोजनाका इलेक्ट्रिकल इन्जिनियर अनिश खड्काले बताउनुभयाे ।

मध्य सोलु खोला आयोजनाबाट उत्पादित विद्युत् १३२ केभी क्षमताको आठ किलोमिटर लामो प्रसारण लाइनमार्फत नेपाल विद्युत् प्राधिकरणको तिङ्गला सबस्टेशनमा जोडिएको छ । दुई वर्षमै निर्माण सम्पन्न भएको अयोजनाका विद्युत् गृह सोलुदुधकुण्ड नगरपालिका ६ दोर्पुमा रहेको छ । परियोजनाको निर्माण लागत झन्डै दुई अर्ब रुपैयाँ रहेको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्