विद्यालयमै पुगेर साेलुका १७ सय भन्दा बढी विद्यार्थीको आँखा जाँच

पुष १६, २०७९ शनिबार १३:२२:४७ | सुवास दर्नाल

सोलुखुम्बु – सोलुखुम्बुको जिल्ला सामुदायिक आँखा केन्द्र फाप्लुले १७ सय भन्दा धेरै विद्यार्थीको आँखा जाँच गरेको छ ।

केन्द्रले विद्यालय आँखा जाँच कार्यक्रम मार्फत सोलु दुधकुण्ड नगरपालिकाको ९ वटा विद्यालयमा सञ्चालन गरेको शिविर मार्फत १७ सय १४ जना विद्यार्थीको आँखा जाँच गरिएको हो । जसमध्ये आठ सय ६७ छात्रा र आठ सय ४७ जना छात्र रहेको आँखा केन्द्रका प्रमुख विधान ताम्राकारले बताउनुभयो ।

उहाँका अनुसार पिके मावि लोदिङका एक सय चार, जुनबेशी मावि जुनबेशीका एक सय दुई, बालेश्वर मावि केरुङका एक सय ३५, सेर्कासिङ आवि नाजिङका ५९ र फाप्लु सामुदायिक मावि फाप्लुका एक सय ८१ जनाले सेवा लिएका छन् ।

यस्तै जनप्रिय मावि टाप्टिङका दुई सय ४५, फाप्लु सामुदायिक मावि फाप्लुका एक सय १५, जनजागृति आवि सल्लेरीका एक सय ६९ र ह्वाईहिल्स मावि सल्लेरीका छ सय चार जना विद्यार्थीको आँखा जाँच गरिएकोे केन्द्रको तथ्यांक छ ।

गएकाे मंसिर २५ देखि पुस ७ गतेसम्म विद्यालयमा पुगेर सञ्चालन गरिएको शिविर मार्फत एक सय ५५ जनालाई चस्मा लगाउन सुझाव दिइएको आँखा स्वास्थ्य कार्यकर्ता दिनेश राईले बताउनुभयाे । याे शिविर तिलगंगा आँखा प्रतिष्ठान काठमाण्डौ, हिमालयन क्याटर्‍याक प्रोजेक्ट र सोलुदुधकु्ण्ड नगरपालिका शिक्षा शाखाको समन्वयमा सञ्चालन गरिएको जिल्ला सामुदायिक आँखा केन्द्र फाप्लुले जनाएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्