निजी क्षेत्रको सबैभन्दा ठूलो जलविद्युत् आयाेजनाकाे बिजुली परीक्षण सुरु

माघ २५, २०७९ बुधबार १७:५१:२६ | सुवास दर्नाल

साेलुखुम्बु – सोलुखुम्बुमा निर्माण भएकाे ८६ मेगावट क्षमताको सोलु दुधकोसी जलविद्युत् आयोजनाले बिजुली परीक्षण सुरु गरेको छ । निजी ऊर्जा उत्पादकले निर्माण गरेको अहिलेसम्मकै सबैभन्दा ठूलो जलविद्युत् आयोजनाले आज (बुधवार) देखि बिजुली परीक्षण थालेको हो ।

थुलुङ दुधकोसी गाउँपालिका ३ पञ्चनमा मुख्य विद्युत् गृह रहेको आयाेजनाले आजदेखि सुरु गरेको परीक्षण केही दिनसम्म जारी रहने साहस ऊर्जा कम्पनी लिमिटेडका जनसम्पर्क अधिकृत कैलाश निरौलाले जानकारी दिनुभयाे । यो आयोजना देशको तेस्रो ठूलो आयोजना पनि हो ।

आयोजनाको विद्युत् १३२ केभी सोलु कोरिडोर प्रसारण लाइनको तिङ्लामा रहेकाे लाम्माने सबस्टेशनमा जोडिनेछ । विद्युत् गृहदेखि सबस्टेशनसम्मको आवश्यक १२ किलोमिटर लामो प्रसारण लाइन कम्पनी आफैँले निर्माण गरेको हो । आयोजनाबाट वार्षिक ५२० गिगावाट घन्टा (५२ करोड युनिट) बिजुली उत्पादन हुनेछ । कम्पनीका अनुसार हिउँदमा १०० दशमलव २७ गिगावाट घन्टा (१० करोड २ लाख ७० हजार युनिट) र बर्खामा ४१९ दशमलव ९३ गिगावाट घन्टा (४१ करोड ९९ लाख ३० हजार युनिट) बिजुली उत्पादन हुनेछ ।

आयोजनाबाट यसअघि २०७८ चैतदेखि नै बिजुली उत्पादन सुरु गर्ने तालिका भए पनि कोभिड–१९ महामारीको प्रभाव, प्रसारण लाइन निर्माणमा भएको ढिलाइ, उपकरण ढुवानी समस्यालगायतले तालिका सरेको कम्पनीले जनाएको छ ।

यो आयोजना सम्पन्न गर्न झन्डै ११ अर्ब ८६ करोड रुपैयाँ लाग्ने अनुमान गरिएको छ । आयोजनामा नेपाल इन्भेस्टमेन्ट मेगा बैंकसहित नाै वटा बैंकले आठ अर्ब ६५ करोड रुपैयाँ लगानी गरेका छन् । बाँकी दुई अर्ब ४५ करोड रुपैयाँ संस्थापक र एक अर्ब पाँच करोड रुपैयाँ साधारण शेयरबाट जुटाइएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

निजी क्षेत्रको सबैभन्दा ठूलो जलविद्युत् आयाेजनाकाे बिजुली परीक्षण सुरु

फाइल तस्बिर

तपाईको प्रतिक्रिया