रविन्द्र मिश्रलाई समीक्षा बास्काेटाकाे कटाक्ष : हारिसकेको मान्छेलाई फेरि किन हराउन जरुरी छ ?

माघ २७, २०७९ शुक्रबार १९:०:२६ | उज्यालो सहकर्मी

काठमाण्डाै – विवेकशील साझा पार्टीकी अध्यक्ष समीक्षा बास्कोटाले आफ्नो पार्टीलाई राप्रपाकरण गर्न खोज्नेबाट बचाएर महाधिवेशन गर्न सफल भएको बताउनुभएको छ ।

शुक्रवार पार्टीको पहिलो महाधिवेशनलाई सम्बोधन गर्दै अध्यक्ष बास्कोटाले पार्टीका पूर्वअध्यक्ष एवम् राप्रपाका वरिष्ठ उपाध्यक्ष रविन्द्र मिश्रप्रति लक्षित गर्दै पार्टी नै सिध्याएर राप्रपाकरण गर्न खोजे पनि आफू लगायतका नेताहरूले पार्टी बचाउँदै चुनावमा प्रतिस्पर्धा गरेर देखाएको बताउनुभयो । उहाँले विवेकशील साझा पार्टीका नेताहरू अहिले धेरैजसाे दलमा रहेको भन्दै आफ्नो पार्टीले नेताहरू उत्पादन गरिरहेको बताउनुभयो ।

अध्यक्ष बाँस्काेटाले पार्टीमा पूर्वअध्यक्षलाई गाली गर्ने आवाज उठेको भए पनि महाधिवेशन गर्नु नै रविन्द्र मिश्रका लागि गतिलो झापड भएको बताउनुभयो ।

उहाँले भन्नुभयो, ‘यो मेरो छ महिनाको सर्ट टम गोल हो । किनभने पार्टी नै सक्याएर राप्रपाकरण गर्न खोजिएको थियो । तर पार्टीको अस्तित्व छ भनेर निर्वाचन आयोगमा हामी दर्ता भएर चुनावमा गयौँ । अहिले विवेकशील साझाका नेताहरू कांग्रेस, कम्युनिस्ट, रास्वपा, राप्रपा सबै दलमा हुनुहुन्छ । यो भनेको विवेकशील साझा विद्यार्थी उत्पादन गर्नेजस्तै नेताहरू उत्पादन गर्ने फ्याक्ट्री रहेछ । कैयौँले पूर्वअध्यक्षलाई गाली गरौँ भने तर केही गर्नुपर्दैन, यो महाधिवेशन नै उहाँका लागि सबैभन्दा ठूलो झापड हो । महाधिवेशनबाट उठेर जब विवेकशील साझाले वैकल्पिक साझा राजनीतिक स्थापित गर्छ, त्यो सबैभन्दा ठूलो झापड हो, गाली गर्नैपर्दैन, हारिसकेको मान्छेलाई हामीले फेरि किन हराउन जरुरी छ ?’

अध्यक्ष बास्कोटाले विवेकशील साझा पार्टी आफैँले बनाउने उद्घोष गर्दै कुनै पनि सेलिब्रेटी पार्टी बनाउन आउनु नपर्ने बताउनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्