ऐनविपरीत कामकाजमा खटाएका कर्मचारीलाई सात दिन भित्र फिर्ता गर्न संघीय मन्त्रालयको निर्देशन

माघ २८, २०७९ शनिबार १६:६:४८ | उज्यालो सहकर्मी

काठमाण्डौ – संघीय मामिला तथा सामान्य प्रशासन मन्त्रालयले निजामती ऐनविपरीत कामकाजमा खटाएका कर्मचारीलाई सात दिनभित्र फिर्ता बोलाएर दरबन्दीअनुसार सरुवा गर्न निर्देशन दिएको छ ।

वरिष्ठ कर्मचारीलाई जिम्मेवारीविहीन बनाउने तर आफ्नो अनुकूलका कर्मचारीलाई शक्तिका भरमा खटाउने परम्पराले कर्मचारी प्रशासनभित्र विकृति देखिएको भन्दै मन्त्रालयले स्वीकृत दरबन्दीअनुसार मात्रै कर्मचारी खटाउन सरोकारवाला मन्त्रालय, आयोग र सचिवालयलाई निर्देशन दिएको हो ।

मन्त्रालयले स्वीकृत दरबन्दीभन्दा मुनिको कर्मचारीबाट कार्यसम्पादन हुन सक्ने र माथिल्लो तहको कर्मचारी आवश्यक नपर्ने हो भने दरबन्दी पुनःसंरचनाको प्रक्रिया अघि बढाइ त्यसको जानकारी गराउन पनि भनेको छ ।

पछिल्लो समय विभिन्न मन्त्रालय र विभागले आफूखुसी सरुवा गर्ने र सहसचिवलाई समेत महिनौँ बरण्डामा राखेर हाजिर गराउने चलन बढेको छ । अहिले दुई सयभन्दा बढी पालिकामा प्रमुख प्रशासकीय अधिकृत निमित्त रहेका छन् ।

मन्त्रालयले निकालेको विज्ञप्तिमा काज, निमित्त र कामकाज जस्ता बेहोरा राखेर निजामती कर्मचारी ऐन विपरीत गरेको कर्मचारी खटनपटन सबै रद्द गर्न भनेको छ । यस्तै मन्त्रालयले निजामती ऐनअनुसार संघीय मन्त्रालयको अनुमति विना सरुवा नगर्न भन्दै विगतमा भएका गल्ती सच्याउन भनेको छ ।

मन्त्रिस्तरीय निर्णय गर्दै सामान्य प्रशासनमन्त्री अमनलाल मोदीले निजामती सेवा ऐनको व्यवस्थाअनुसार न्यूनतम सेवा अवधि पूरा नभएका कर्मचारीलाई सरुवा गर्नुपरेमा मन्त्रालयको स्वीकृति लिनुपर्ने व्यवस्था गर्न निर्देशन दिनुभएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

ऐनविपरीत कामकाजमा खटाएका कर्मचारीलाई सात दिन भित्र फिर्ता गर्न संघीय मन्त्रालयको निर्देशन

फाइल तस्बिर

तपाईको प्रतिक्रिया