नेपाल–भारत परराष्ट्र सचिवस्तरीय बैठक सुरु : बिजुली व्यापार, कृषिसहितका विषयमा छलफल हुने

फागुन १, २०७९ सोमबार १३:२४:१६ | उज्यालो सहकर्मी

काठमाण्डाै – नेपाल भारत परराष्ट्र सचिवस्तरीय बैठक सुरु भएको छ । बैठक केहीबेरअघि काठमाण्डाैकाे एक होटलमा सुरु भएको हो । बैठकमा परराष्ट्र मन्त्रालयका सचिव भरतराज पौडेल र भारतीय विदेश सचिव विनयमोहन क्वात्रासहित मन्त्रालयका कर्मचारी सहभागी छन् ।

परराष्ट्र सचिव पौडेलको निमन्त्रणमा दुई दिने नेपाल भ्रमणका क्रममा आज आइपुग्नुभएका क्वात्रा काठमाण्डाै आएलगत्तै दुई देशबीचको सचिवस्तरीय बैठकमा सहभागी बन्नुभएको हो । सचिवस्तरीय बैठकमा कनेक्टीभिटी, बिजुली व्यापार, कृषि तथा स्वास्थ्यसहितका विषयमा छलफल हुने बताइएको छ ।

सचिवस्तरीय बैठकपछि आजै परराष्ट्र मन्त्रालयले आफ्नाे सम्मानमा आयोजना गरेको दिवाभोजमा भारतीय विदेश सचिव क्वात्रा सहभागी हुनुहुनेछ । भोजपछि भारतीय विदेश सचिवले परराष्ट्र मन्त्री डा. विमला राई पाैड्यासँग द्विपक्षीय भेटवार्ता गर्ने कार्यक्रम छ । प्रधानमन्त्री पुष्पकमल दाहाल प्रचण्डसँगको भेटमा भने क्वात्राले भारतीय प्रधानमन्त्री नरेन्द्र मोदीले पठाएको निमन्त्रणा पत्र हस्तान्तरण गर्नुहुनेछ । उहाँले आज नै नेकपा एमालेका अध्यक्ष केपी शर्मा ओलीसँग भेट्ने कार्यक्रम तय भएको छ ।

विदेश सचिव क्वात्राले भाेलि मङ्गलवार राष्ट्रपति विद्यादेवी भण्डारी र नेपाली कांग्रेसका सभापति शेरबहादुर देउवासँग भेटघाट गरी स्वदेश फर्कने कार्यक्रम रहेको बताइएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्