'ट्रायल' मा ७० प्रतिशत लागू हुँदा पास हुने २० प्रतिशतसम्म बढे

फागुन १४, २०७९ आइतबार १४:४९:२८ | रासस

काठमाण्डौ – चालक अनुमतिपत्र (लाइसेन्स) का लागि लिइने प्रयोगात्मक परीक्षा (ट्रायल) मा ७० प्रतिशत ल्याउँदा पास हुने व्यवस्था लागू भएसँगै पास हुनेको सङ्ख्या १० देखि २० प्रतिशतसम्म बढेको छ ।

बाग्मती प्रदेश सरकारले गरेको निर्णयका आधारमा काठमाण्डौ उपत्यकाका चार वटै यातायात व्यवस्था कार्यालयले यो महिनाको सुरुदेखि नै ७० प्रतिशत ल्याउँदा पास हुने नियम लागू गराएका हुन् । नियम लागू भएपछि दुई पाङ्ग्रे सवारी साधनमा २० प्रतिशतसम्म र चार पाङ्ग्रेमा १० प्रतिशतसम्म पास हुने दर बढेको एकान्तकुनामा रहेको कार्यालयले जानकारी दिएको छ ।

कार्यालयको चाप व्यवस्थापन गरेर अनलाइन फाराम भर्नेको परीक्षा लिइरहेको कार्यालयका प्रमुख राजकुमार कपालीले बताउनुभयो । सुरुमा चाप बढी भए पनि पुनः ट्रायल दिने कम हुने उहाँको भनाइ छ । लिखित परीक्षा पास गरेका सेवाग्राहीले एक पटक प्रयोगात्मक परीक्षा पास नहुँदा पुनः दुई पटक मौका पाउने गरेका छन् । उहाँले भन्नुभयो, ‘एकै पटकमा धेरै पास भएपछि दोहोर्‍याएर र तेहेर्‍याएर दिने घट्ने भए ।’

प्रयोगात्मक परीक्षामा ७० प्रतिशत ल्याउँदा नै पास हुने नियम अरू प्रदेशले विगतका वर्षमा नै लागू गरिसकेका थिए । सबैभन्दा बढी सेवाग्राहीको चाप रहेको बाग्मती प्रदेशले भने विभिन्न कारण देखाएर ढिलामात्रै सुरु गरेको थियो । अरू प्रदेशमा चाप अति न्यून रहेको र उपत्यकाबाहिरका जिल्लामा रहेको कार्यालयको एक हप्तामा आउनेभन्दा उपत्यकामा एक दिनमा चाप बढी रहेको प्रमुख कपालीले बताउनुभयो ।

विगतमा शतप्रतिशत ल्याउँदा मात्रै पास हुने नियम लागू हुँदा दुई पाङ्ग्रे सवारी साधनमा ३५ देखि ४० प्रतिशत हाराहारीमा सेवाग्राही पास हुने गरेकामा अहिले ६० प्रतिशत पुगेको पाइन्छ । हलुका सवारी चालकको परीक्षामा सहभागीमध्ये पहिले २० पास हुने गरेकामा अहिले ३५ देखि ४० प्रतिशतसम्म पुगेको कार्यालयले जनाएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

नारायण कुमार आचार्य
Feb. 26, 2023, 3:49 p.m.
यो ७० प्रतिशतको मापदण्डमा के के कुराहरु पर्दछन् भनेर कार्यविधि बनेको छ होला । त्यो कार्यविधि कहाँ गएर हेर्न सकिन्छ ? सम्पूर्ण यातायात कार्यालयहरुको वेभसाइटमा यो कार्यविधि अनिवार्य रुपमा अपलोड गर्नुपर्ने देखिन्छ । के के विषयमा कति कति नम्बर प्राप्त गर्न सकिन्छ, के के गर्दा कति नम्बर घट्न सक्छ त्यो बारे त सम्पूर्णमा जानकारी हुनुपर्ने जरुरी छ ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

'ट्रायल' मा ७० प्रतिशत लागू हुँदा पास हुने २० प्रतिशतसम्म बढे

फाइल तस्बिर

1 Comments

नारायण कुमार आचार्य

तपाईको प्रतिक्रिया

तपाईको प्रतिक्रिया