इङ्लिस प्रिमियर लिग फुटबलमा चेल्सी र एभर्टनले बराबरी खेले

चैत ५, २०७९ आइतबार ७:१२:३ | उज्यालो सहकर्मी

काठमाण्डाै - इङ्लिस प्रिमियर लिग फुटबलमा चेल्सी र एभर्टनले बराबरी खेलेका छन् । गएराति भएको खेलमा चेल्सी र एभर्टनले २–२ गोलको बराबरी खेलेका हुन् । घरेलु मैदान स्टामफोर्ड ब्रिजमा चेल्सीले खेलमा दुईपटक अग्रता लिएर पनि त्यसलाई जोगाउन नसक्दा अङ्क बाड्न बाध्य भयो ।

चेल्सीका जोआओ फेलिक्स र काई हाभर्टजले गोल गरे । त्यस्तै एभर्टनका अब्दुलाए डोउकाउरे र इलिस सिम्सले गोल गरे । सबै चार गोल दोस्रो हाफमा भएको थियो । चेल्सी २७ खेलमा ३८ अङ्कका साथ तालिकाको १०औँ तथा एभर्टन २८ खेलमा २६ अङ्कका साथ १५औँ स्थानमा छ ।

गएराति नै भएका अरु खेलमा ब्रेन्टफोर्ड र लेस्टरसिटीले १–१ तथा साउथह्याम्पटन र टोटनह्यामले ३–३ गोलको बराबरी खेलेका छन् । एस्टन भिल्लाले बर्नमाउथलाई ३–० गोलले तथा लिड्स युनाइटेडले उल्भ्सलाई ४–२ गोलले हराएको छ ।

प्रिमियर लिगमा आज एउटा मात्रै खेल हुनेछ । शीर्ष स्थानको आर्सनल र १२औँ स्थानमा रहेको क्रिस्टल प्यालेस बेलुका पौने आठ बजे खेल्दैछन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्