पुरानाे संसद् भवन नभत्काउन संसदीय समितिको निर्देशन

चैत ९, २०७९ बिहीबार १८:२७:५१ | उज्यालो सहकर्मी

काठमाण्डाै – संसदीय समितिले सिंहदरबारमा रहेकाे पुरानो संसद् भवनलाई नभत्काई 'रेट्रोफिट' गरेर मर्मत गर्न सरकारलाई निर्देशन दिएको छ ।

बिहीवार राष्ट्रिय सभाअन्तर्गतको प्रत्यायोजित व्यवस्थापन तथा सरकारी आश्वासन समितिको बैठकले सिंहदरबारमा रहेको पुरानो संसद् भवनलाई रेट्रोफिट गरेर मर्मत गर्न सरकारलाई निर्देशन दिएको हो । वि.सं. २०१६ सालमा निर्माण भएको याे संसद् भवन २०७२ सालकाे भूकम्पका कारण क्षतिग्रस्त अवस्थामा रहेको थियो । समितिले याे भवनकाे पुनर्निर्माण नगरि पुरानै अवस्थामा राखिराख्न रेट्रोफिट गरेर मर्मत गर्नका लागि सहरी विकास मन्त्रालय र संस्कृति, पर्यटन तथा नागरिक उड्डयन मन्त्रालयलाई निर्देशन दिएको समिति सभापति मायाप्रसाद शर्माले बताउनुभयो ।

उहाँले भन्नुभयो, ‘सिंहदरबारभित्र रहेकाे पुरानो संसद् भवन भूकम्पका कारणले केही क्षति भएको छ । यसलाई पुनर्निमाण नगरि रेट्रोफिट गरेर भवनलाई बचाउनका निमित्त सबैसँग छलफल गरिराखेका छौँ । यो समितिले सहरी विकास मन्त्रालय, संस्कृति, पर्यटन तथा नागरिक उड्डयन मन्त्रालयका सचिवज्यूहरूलाई बोलाएर भवनकाे रेट्राेफिट गर्न निर्देशन दिएकाे छ ।’

त्यस्तै समितिले सिंहदरबारमा निर्माणाधीन नयाँ संसद् भवन परिसरमा बन्दै गरेको पुस्तकालय भवन निर्माणका क्रममा रहेकाले भवन निर्माणमा नमिलेका कतिपय कुराहरूलाई परिमार्जन गर्न पनि निर्देशन दिएको सभापति शर्माले बताउनुभयो ।

बैठकमा उपस्थित राष्ट्रिय सभा सदस्यहरूले पुस्तकालयलगायत सङ्घीय संसद्का भवनहरू समयमै र गुणस्तरीयरूपमा सम्पन्न हुनुपर्नेमा जोड दिएका थिए ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पुरानाे संसद् भवन नभत्काउन संसदीय समितिको निर्देशन

तस्बिर : सामाजिक सञ्जाल

तपाईको प्रतिक्रिया