आज मन्त्रिपरिषद् विस्तार हुने, शीतल निवासमा शपथको तयारी

चैत १७, २०७९ शुक्रबार १२:५१:२० | उज्यालो सहकर्मी

काठमाण्डाै - नयाँ मन्त्रीहरुको शपथ आज दिउँसो ३ बजे हुने भएको छ । राष्ट्रपति कार्यालयले यसको लागि तयारी थालेको छ ।

आज मन्त्रिपरिषद् विस्तार गर्ने विषयमा प्रधानमन्त्री पुष्पकमल दाहाल प्रचण्डले बिहान राष्ट्रपति रामचन्द्र पौडेललाई जानकारी गराउनुभएको छ । राष्ट्रपति र प्रधानमन्त्रीको छलफलपछि दिउँसो ३ बजे शपथको तयारी भएको प्रधानमन्त्रीको निजी सचिवालयले जनाएको छ ।

गएको चैत ६ गते दोस्रोपटक विश्वासको मत लिएका प्रधानमन्त्री प्रचण्डले अघिल्लो हप्ता नै मन्त्रिपरिषद् विस्तार हुने बताउनुभएको थियो । तर गठबन्धन दलहरुभित्र भागबण्डा मिलाउन समय लागेपछि त्यसको ११ दिनपछि आज मन्त्रिपरिषद् विस्तारको तयारी भएको हो । सत्ता साझेदार दलहरुमध्ये ९ दलले मन्त्री बन्नेहरुको नाम प्रधानमन्त्रीलाई बुझाइसकेको प्रधानमन्त्रीको सचिवालयले जनाएको छ ।

गठबन्धन दलहरुबीच कांग्रेसले आठ, माओवादीले पाँच, एकीकृत समाजवादी र जसपाले दुई–दुई, जनमत, लोसपा, नागरिक उन्मुक्ति, नेसपा र आम जनता पार्टीले एक–एक मन्त्रालय पाउने गरी सहमति भैसकेको छ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्