‘जहाजकाे पाङ्ग्रा खुस्किने, पाङ्ग्रा भाडामा लिनुपर्ने स्थितिलाई गम्भीरपूर्वक लिइयाेस्’

चैत १९, २०७९ आइतबार १६:३:३३ | उज्यालो सहकर्मी

काठमाण्डाै – नेपाली कांग्रेसका सांसद प्रदीप पौडेलले देशको हवाई क्षेत्रमा देखिएका समस्या तत्काल समाधान गर्न सरकारसँग माग गर्नुभएको छ ।

आइतवार प्रतिनिधि सभा बैठकमा बोल्दै सांसद पाैडेलले देशकाे हवाई क्षेत्रमा पछिल्ला दिनमा गम्भीर समस्याहरू देखापरेको उल्लेख गर्दै त्यसको दिगो समाधान खोज्न सरकारसँग माग गर्नुभएको हो । कुनै जहाजको पाङ्ग्रा खुस्किने, पाङ्ग्रा भाडामा लिनुपर्ने, उडान नियमित नभएर यात्रु अलपत्र बन्ने स्थिति देखापरेको उल्लेख गर्दै उहाँले ती समस्यालाई गम्भीरपूर्वक लिन पनि सरकारलाई सचेत गराउनुभयो ।

उहाँले भन्नुभयो, ‘पछिल्लो समय हवाई क्षेत्रमा अत्यन्तै गम्भीर त्रुटिहरू देखिएका छन् । कुनै जहाजको पाङ्ग्रा खुस्किने, पाङ्ग्रा भाडामा लिनुपर्ने, उडान नियमित नभएर यात्रु अलपत्र बन्ने स्थिति बनेको छ । हिजोमात्रै नेपाल वायु सेवा निगमको विमान दुबईबाट काठमाण्डाै उड्नै लाग्दा पाइलटलाई पखाला चलेपछि पाँच सय ४३ जना यात्रु अलपत्र परे । पछिल्लो रिर्पोटले प्रस्ट भन्छ– नेपालमा हवाई दुर्घटनाका पछाडि इन्जिनले काम नगरेको जस्ता यान्त्रिक कारणभन्दा व्यवस्थापकीय पक्षमा चुक्दा बढी दुर्घटनाहरू हुन्छन् । हवाई क्षेत्रमा देखिएका समस्यालाई गम्भीरपूर्वक लिइयोस् । उचित व्यवस्थापनका लागि दिगो समाधान खोजियोस् ।’

सांसद पौडेलले सरकारले देशको हवाई क्षेत्रको गरिमा थप गुम्न नदिने गरी उचित व्यवस्था गर्न पनि सरकारको ध्यानाकर्षण गराउनुभयो । उहाँले हवाई सुरक्षाको विषयलाई हरेक देशले उच्च प्राथमिकतामा राख्ने गरे पनि नेपाल सरकार र सम्बन्धित निकाय त्यस मामिलामा बेखबरजस्तै बन्नु दुःखद रहेको पनि बताउनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

लोक
April 2, 2023, 4:39 p.m.
प्रदीप जि , जहाजको पाङ्ग्रा खुस्केको होइन भाडामा लियकोपनि होइन। यो ब्यवस्था भाडामा लियको कारण देशको पाङ्ग्रा खुस्केको हो। राजनिति भनेको आफ्नो देश भुगोल र जनतालाइ प्राथमिकतामा राखेर छिमेकि नितिलाइ ध्यानमा राखेर मात्रै राजनीति गरिनुपर्छ । बिदेशिको इसारामा चल्न हुदैन। त्यसैको परिणाम नेपालको अनेकौं समस्या हो।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘जहाजकाे पाङ्ग्रा खुस्किने, पाङ्ग्रा भाडामा लिनुपर्ने स्थितिलाई गम्भीरपूर्वक लिइयाेस्’

फाइल तस्बिर

1 Comments

लोक

तपाईको प्रतिक्रिया

तपाईको प्रतिक्रिया