नेप्से सामान्य घट्याे, साढे ८ अर्ब रुपैयाँकाे शेयर काराेबार
मंसिर १३, २०८१ बिहिबार
युरोप आउन लाखौँ खर्च गर्नुअघि १० पटक सोचौँ
एलिसराज सन्जेल/हेटौँडा, हाल माल्टा ।
दुःखको गहिरो समुद्र पार गर्दै अहिले म रोजगारीको सिलसिलामा युरोपियन देश माल्टा आइपुगेको तीन महिना भयो । यहाँ आउनका लागि मैले लामो सङ्घर्ष र प्रतीक्षा गर्न पर्यो । नेपालबाट सिधै आउनका लागि निकै कोसिस गरेँ ।
डेढ दुई सालसम्म प्रतीक्षा पनि गरेँ । तर यो अवधिमा मैले आशा मात्र पाएँ । काम कतै पनि हुने देखिनँ ।
नेपालबाट नै प्रक्रिया गरेर आउन सक्छु जस्तो नलागेपछि म अघिल्लो साल रोजगारीकै लागि खाडीको देश यूएई आएँ । यूएईमा काम गर्दै त्यहीबाट माल्टाको प्रक्रिया अघि बढाएँ । तर यूएईबाट पनि सहजै यो बाटो तय भएको चाहिँ हैन ।
झण्डै एक वर्ष लामो समय लाग्यो । विभिन्न प्रक्रियाहरू गरियो । मेहनतको फल पनि पाइयो भनौँ होला अहिले युरोप आइपुगेको छु । तर यहाँ आएपछि मलाई भएको अनुभव के हो भने हामी युरोपका बारेमा जस्तो कुराहरू सोचेर आउँछौँ सोचेजस्तो नहुने रहेछ ।
हुन त जहाँ गए पनि काम त गर्नै पर्यो । काम अनुसारको दुःख त देश जस्तो भए पनि भइनै हाल्छ । माल्टा पर्यटकीय देश हो । यहाँ पर्यटकहरू जति आयो काम पनि त्यति नै चल्ने रहेछ ।
तर यहाँ आएर पनि काम पाउने गरी कागजातको प्रक्रिया मिलाउन भने खाडी र मलेसियाकोभन्दा नियम फरक हुँदो रहेछ ।
जस्तै खाडी मलेसियामा त कुनै कम्पनीमा गएपछि कागजात मिलाउने सबै काम कम्पनीले नै गरिदिन्छन् । तर यहाँ भने सबै प्रक्रिया आफैँ गर्न पर्ने रहेछ ।
जुन मैले पनि आफैँ गरेँ । भ्याक्सिन लगाउनेदेखि इन्स्योरेन्सको कामसम्म आफैँले नै गर्नु पर्यो । सबै कागजात तयार पारेर यहाँ काम गर्नका लागि अनुमति पाएपछि मात्रै काम गर्नुपर्ने रहेछ । तर यहाँ कतिपयले साथीहरूले कागजात पूरा नगरी काम गर्नुहुने रहेछ ।
मेरो सुझाव तपाईँहरू जो पनि नयाँ आउनुभएको छ भने कागजात पुरा नगरी काम नगर्नुहोस् । यदि जाँच गर्ने क्रममा भेटियो भने त्यत्तिका दुःख गरेर आएको मेहनत बालुवामा पानी खन्याए सरह हुन्छ ।
विदेशमा त आफ्नै देशका दाजुभाइलाई पनि विश्वास गर्न नहुने रहेछ । केही समय अघिको कुरा हो । एक जना नेपाली बहिनीले यहाँ आइपुगेर कागजात बनाउने क्रममा नेपाली दाइलाई नै विश्वास गर्नुभए छ । तर ती नेपालीले इन्स्योरेन्सको कागज नक्कली बनाइदिएछन् । यसरी नक्कली कागजात यहाँको सम्बन्धित निकायमा पेस हुँदा त्यो बहिनीलाई समस्या पर्यो ।
भाषाको कारणले हो या अन्य केही कारण थियो उहाँले आफूले को बाट सहयोग लिएको हो र भएको के हो भनेर बताउन सक्नुभएन । फलस्वरुप उहाँलाई झण्डै पाँच महिना जेल राखेर नेपाल पठाइदियो । त्यसैले हुन सक्ने यस्ता ठगीबाट पनि बच्न पर्ने रहेछ ।
यहाँ आउनका लागि जो पायो त्यही मानिसलाई विश्वास गर्न नहुने रहेछ । अलिकति विश्वासिलो एजेन्सीबाट मात्र प्रक्रिया गर्नु पर्ने रहेछ । यदि आफूसँग त्यो खालको क्षमता छ भने हामी आफैँले पनि यहाँको कम्पनीमा पाइने काम र सेवा सुविधाका बारेमा जान्न र बुझ्न सकिने रहेछ । आजकाल त अनलाइनमा नै सबै कुरा उपलब्ध हुने रहेछ ।
अर्को कुरा विदेश आउँदा माल्टा मात्र होइन जुनसुकै देशमा जानका लागि पनि ज्ञान चाहिँ लिएर जान पर्ने रहेछ । भाषाको सामान्य ज्ञान भएन भने गन्तव्यमा आइपुगेपछि के गर्ने गाह्रो पर्न सक्ने रहेछ । युरोपका कुनै पनि देश आउँदै हुनुहुन्छ भने सामान्य भाषाको ज्ञान लिएर आउनुहोस् ।
तपाईँ हामी धेरैलाई लाग्छ युरोप आएपछि टन्न पैसा कमाइन्छ । यहाँ आएर आफैँले अनुभव नगर्दा मेरो मनमा पनि कहीँ कतै यही आशा थियो । तर त्यस्तो हुँदैन । यहाँ दिनमा आठ घण्टा र महिनामा १६० घण्टा मात्र गर्ने हो भने ८६० युरो बेसिक तलब हुने रहेछ । त्यसमा कम्पनीले केही घण्टा ओभर टाइम काम गर्न दियो भने अलिअलि बढी हुन्छ । तर अब यो कमाइमा खर्च पनि त्यही अनुसार हुन्छ ।
यो कमाइबाट बस्ने कोठाका लागि दुई सयदेखि दुई सय ५० युरोसम्म खर्च हुन्छ । त्यसपछि अर्को भनेको यो आम्दानीको कर पनि तिर्न पर्छ । ८० देखि एक सय युरोसम्म हुनसक्छ कर बापतको रकम । अब खानाको कुरा गरौँ । खाना एकदमै सामान्य खान्छु भन्दा पनि १५० युरो त कम्तीमा खर्च हुन्छ ।
अब यसरी हेर्दा त बच्ने भनेको त्यही चार सय युरो लगभग हो । यो भनेको हामीले खाडी मलेसियामा कमाउने कमाइजस्तै हो । अझ दक्ष भएर सीप सिकेर जाने हो भने त खाडीमा योभन्दा राम्रो कमाई र बचत हुन्छ । किनकि धेरैजसो कम्पनीले खाने र बस्ने व्यवस्था गरेका हुन्छन् ।
आजकाल युरोपको सपनामा धेरै जना ठगिनुभएको छ । दुःख पाउनुभएको छ । गैरकानुनी बाटा हुँदै रातदिन हिँड्दै पनि आइरहनुभएको छ । त्यसका लागि लाखौँ रुपैयाँ एजेण्टहरुलाई बुझाउनुभएको छ । त्यसैले म त के भन्छु भने युरोप भनेर मात्र नहुने रहेछ । यहाँ आउनुभन्दा अघि १० औँ पटक सोच्नुहोस् । सोचेर मात्र निर्णय लिनुहोस् ।
भनेजस्तो र सोचेजस्तो मात्र पनि रहेनछ युरोप भन्ने मेरो आफ्नै अनुभव हो । म त अझ खाडीदेखि युरोपसम्मको अनुभव लिएको मान्छे हुँ । त्यस कारण म यही भन्छु युरोपका लागि १० औँ लाख रुपैयाँ खर्च गर्नुअघि १० पटक सोचेर मात्र निर्णय लिऔँ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
3 Comments
समाचार
-
-
काठमाण्डाै उपत्यकाबाट हराएका २७ वटा मोटरसाइकल तथा स्कुटर फेल...
मंसिर १३, २०८१ बिहिबार
-
काठमाण्डौ महानगरले शुरू गर्याे सानो गौचरन रङ्गशालाको पुनर्नि...
मंसिर १३, २०८१ बिहिबार
-
क्यानडाको जङ्गलमा ५ हप्ताअघि हराएका युवक जीवितै भेटिए
मंसिर १३, २०८१ बिहिबार
-
ताप्लेजुङकाे सुपर काबेली ए जलविद्युत् आयोजनाको परीक्षण सम्पन्न
मंसिर १३, २०८१ बिहिबार
-
क्यानडाका अलराउन्डर हर्ष ठाकरले जनकपुरबाट एनपीएल खेल्ने
मंसिर १३, २०८१ बिहिबार
-
लगानीका लागि अझै केही कानून संशोधन गर्न जरुरी : अध्यक्ष ढकाल
मंसिर १३, २०८१ बिहिबार
-
एम्बुलेन्सकाे साइरनमा रहेको माइक्रोफोनभित्र लुकाइएको अवस्थामा ...
मंसिर १३, २०८१ बिहिबार
-
बलात्कार मुद्दामा फसाइदिने धम्की दिएर रकम असुल्ने ३ जना पक्राउ
मंसिर १३, २०८१ बिहिबार
-
नेपाल र फिनल्यान्डबीच सार्वजनिक लगानी परिचालन परियोजनासम्बन्धी...
मंसिर १३, २०८१ बिहिबार
-
काम मिलाइदिन्छु भन्दै यात्रुलाई दुःख दिने १८ जना बिचौलिया पक्राउ
मंसिर १३, २०८१ बिहिबार
-
कर्णाली याक्समा अनुबन्ध ओमानका पूर्वकप्तान मक्सूद नेपाल आइपुगे
मंसिर १३, २०८१ बिहिबार
-
परराष्ट्रमन्त्री राणा चीन प्रस्थान
मंसिर १३, २०८१ बिहिबार
-
सुदूरपश्चिमबाट एनपीएल खेल्न न्युजिल्यान्डका कुगेलेइन र इङ्ग्ल्यान्...
मंसिर १३, २०८१ बिहिबार
विचार
-
महिला हिंसाविरुद्धका कानून बने, कार्यान्वयन भएनन्
मंसिर १२, २०८१ बुधबार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
pawan Pokharel
April 29, 2023, 1:25 p.m.सारै चित्त बुज्यो यो लेख पढ्देै गर्दा अनी भन्न मन लाग्यो सबैले जापान जापान भन्छन जापान पनि तेस्तै छ राम्रो सङ्ग बुजेर आउनुस नत्र तपाईंको सपना सपना मात्रै नभइ सपना टुट्ने छ तेति बेला सारै नरमाइलो लाग्ने रहेछ जापान आउदै हुनुहुन्छ भने भाषा सिकेर कामदार भिषामा आउनुहोस कमाइ पनि राम्रो हुने र आफ्नो स्वास्थ पनि राम्रो रहने😥😥😥पवन पोख्रेल हाल जापान नागोया😥😥😥
Santosh rajbanshi
April 29, 2023, 8:13 a.m.Thankyou your information brother.
Ashish Limbu
April 28, 2023, 11:04 a.m.Very nice bro hami lai hajur Le Anubhav gareko kura share gardinu bha practical kura haru waha ko bare Mai jamkari dinu bha , hami Pani ab sochera samjhera matry aune chhu thank you