एकदिवसीय विश्वकप क्रिकेटको छनोट खेल्ने नेपालसहित सबै १० देशको टुङगो लाग्यो

वैशाख २७, २०८० बुधबार ८:५८:२८ | उज्यालो सहकर्मी

काठमाण्डौ – आईसीसी एकदिवसीय विश्वकप क्रिकेटको छनोट खेल्ने नेपालसहित सबै १० देशको टुंगो लागेको छ ।

आयरल्यान्डले विश्वकप सुपर लिगको शीर्ष ८ मा रहेर सिधा विश्वकप खेल्ने अवसर गुमाएसँगै छनोटमा सहभागी हुने १० देशको टुंगो लागेको हो । विश्वकप छनोट खेल आउँदो जुन १८ तारिखदेखि जुलाई ९ सम्म जिम्बावेमा हुँदैछ ।

सुपर लिग अन्तर्गत शृंखलाको पहिलो खेल वर्षाका कारण रद्द भएपछि बंगलादेशसँग अंक बाँडेको आयरल्यान्डले सिधा विश्वकप छनोटको अवसर गुमाएको हो ।

सुपर लिगमा सहभागी श्रीलंका, वेस्ट इन्डिज, जिम्बावे र नेदरल्यान्ड्सले यसअघि नै विश्वकप छनोट खेल्ने पक्का भैसकेको छ ।

त्यसमा अब आयरल्यान्ड पनि थपिएको छ । १३ देश सहभागी सुपर लिगबाट आयोजक भारत, पाकिस्तान, अस्ट्रेलिया, न्युजिल्यान्ड, बंगलादेश, इंग्ल्यान्ड र अफगानिस्तान सिधा विश्वकपका लागि छनोट भएका छन्।

यसमा दक्षिण अफ्रिका थपिएको छ । विश्वकप छनोटमा लिग २ बाट नेपाल, स्कटल्यान्ड र ओमानले स्थान बनाएका छन् ।

विश्वकप प्लेअफ क्वालिफायरबाट अमेरिका र युएई शीर्ष दुईमा रहँदै विश्वकप छनोटमा पुगेका छन् ।

योसँगै विश्वकप छनोट खेल्ने १० टोलीमा वेस्ट इन्डिज, श्रीलंका, जिम्बावे, आयरल्याण्ड, नेदरल्याण्ड्स, स्कटल्याण्ड, ओमान, नेपाल, अमेरिका र युएई रहेका छन् ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

एकदिवसीय विश्वकप क्रिकेटको छनोट खेल्ने नेपालसहित सबै १० देशको टुङगो लाग्यो

फाइल तस्बिर

तपाईको प्रतिक्रिया