लमजुङको पैह्रेमा 'पानी माग्दै' लगाइयो लघु रुद्री पूजा

वैशाख ३०, २०८० शनिबार १६:३६:३७ | श्यामशितल परियार

लमजुङ – लमजुङको सुन्दरबजार नगरपालिका–९, पैह्रेमा रहेको तारकेश्वर शिवालय मन्दिरमा 'पानी माग्दै' बृहत् लघु रुद्री लगाइएको छ । पानी पार्न, मौलिक कला, परम्परा संस्कृतिको जगेर्नाका साथै विश्व समुदायको सुख–शान्तिको कामना गर्दै बृहत् लघु रुद्री लगाइएको तारकेश्वर शिवालय मन्दिरका अध्यक्ष रामहरि न्यौपानेले बताउनु भयाे ।

पाणेनी संस्कृत मावि दुराडाँडामा अध्ययनरत ८ जना बटुक, ३ जना ब्राह्मण गुरु र स्थानीय अन्य १० जना गरी २० जना ब्राह्मण टोलीद्वारा सबै समुदायका मानिसहरु एकआपसमा जमघट भइ मन्दिरमा पाठ पारायण, स्वस्ति शान्ति, विश्व शान्ति, जप, होमहोमादी गर्दै लघु रुद्री लगाइएको हाे ।

पानी नपर्दा अहिले सुक्खा खडेरी बढेकाले खेतिपातीका साथै जनजीवनमा पनि असर परेकाले ‘पानी परोस्’ भन्ने कामनासहित धार्मिक विधिपूर्वक मन्दिर परिसरमा शिवलिङ्गमा जपसहित जलाधारा गरिएको न्याैपानेले बताउनुभयो ।

भगवान् शिव पानीका पनि देवता रहेकाले पानी माग्दै सबै स्थानीय मिलेर धार्मिक विधिपूर्वक शिवजीको पूजा–आराधना गरिएकाे उहाँले बताउनु भयाे ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्