६६ पृष्ठको राहदानीको आवेदन फारम भर्न मलेसियास्थित नेपाली दूतावासको अनुरोध

असार ५, २०८० मंगलबार १३:१२:३८ | उज्यालो सहकर्मी

काठमाण्डौ – मलेसियामा रहेको नेपाली दूतावासले तत्काललाई राहदानीको आवेदन भर्दा ६६ पृष्ठको लागि आवेदन दिन अनुरोध गरेको छ ।

६६ पृष्ठ र ३४ पृष्ठको राहदानी बनाउँदा लाग्ने दस्तुर एउटै भएपछि दूतावासले मलेसियामा कार्यरत नेपालीलाई ६६ पृष्ठको राहदानीको आवेदन दिन भनेको हो ।

यसअघि ३४ पृष्ठ र ६६ पृष्ठको राहदानी बनाउँदा लाग्ने दस्तुर फरक थियो । तर यही असार तीन गतेदेखि लागू हुने गरी सरकारले ६६ पृष्ठको राहदानी र ३४ पृष्ठको राहदानी बनाउँदा लाग्ने शुल्क एउटै कायम गरेको छ ।

मलेसियामा रहेको नेपाली दूतावासबाट आवेदन दिँदा २४० मलेसियन रिंगिट अर्थात् यो समाचार तयार पार्दाको विनिमय दर अनुसार ६ हजार ७ सय ८९ नेपाली रुपैयाँ दस्तुर लाग्छ । यो दस्तुर दूतावासमा बायोमेट्रिकका लागि दूतावासमा जाँदा तिर्दा हुन्छ ।

राहदानी बनाउन पनि पहिलेजस्तो फारम नै नभरी दूतावास गएर हुँदैन । पहिले नै अनलाइनमार्फत प्रि–इलरोलमेन्ट गरेर समय लिन पर्छ । प्रि– इनरोलमेन्ट अनलाइनमार्फत आफूलाई फुर्सद भएको समय गर्दा हुन्छ । दूतावासले एक महिनाको लागि दैनिक रूपमा आवेदन खुलाउँछ ।

दूतावासमा उपस्थित भएर आवेदन दिने दिनमा भने बिहान जतिसक्दो छिटो उपस्थित हुने दूतावासले अनुरोध गरेको छ ।

मलेसियाको स्थानीय समयअनुसार दिउँसोको १ बजेसम्म दूतावासमा उपस्थित भइसक्न पर्छ । दूतावासभन्दा टाढा टाढाको स्थानबाट आउनेहरू बिहानै दूतावासमा आइपुग्ने हुँदा बिहान सात बजेदेखि नै राहदानीसम्बन्धी सेवा सुरु हुने दूतावासले जनाएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्