चीनसँगकाे सीमा नाका बन्द हुँदा ओलाङचुङगाेला भन्सार कार्यालय ठप्प

भदौ १, २०८० शुक्रबार १५:४३:४९ | केशवप्रसाद भट्टराई

ताप्लेजुङ – ताप्लेजुङ र चीनबीचको सीमा नाका लामो समयदेखि बन्द हुँदा ओलाङचुङगोला भन्सार कार्यालय ठप्प भएको छ । तिप्ताला भञ्ज्याङ नाका चीनले बन्द गर्दा ओलाङचुङगोला भन्सार कार्यालयले गएको चार वर्षदेखि राजस्व सङ्कलन गर्न सकेको छैन । कोरोनाको जोखिम बढेसँगै चीनतर्फको उत्तरी नाका बन्द भएपछि राजस्व सङ्कलन हुन नसेको हो ।

जिल्ला सदरमुकामबाट तीन दिनको पैदलयात्रापछि पुगिने फक्ताङलुङ गाउँपालिकाको ओलाङचुङगोलामा भन्सार कार्यालय रहेको छ । यस नाकाबाट कोरोनाभन्दा अगाडि पनि धेरै राजस्व सङ्कलन भने हुने गरेको थिएन । आयात निर्यातको गतिविधि ठप्प भएपछि छ वर्षयता भन्सार कार्यालय लगभग निष्क्रिय रहेको कोष तथा लेखा नियन्त्रण कार्यालय ताप्लेजुङले जनाएको छ ।

भन्सार प्रमुखको रूपमा एक नायब सुब्बा, एक खरिदार र एक कार्यालय सहयोगीको दरबन्दी भए पनि अहिले कर्मचारी नभएका निमित्त कोष नियन्त्रक दुर्गा थापाले बताउनुभयो । गएकाे चैतमा नासु हरिबहादुर खड्का भन्सार कार्यालयमा आनुभएको थियो तर उहाँ एक महिना नबित्दै सरुवा भएर जानुभएको थापाले जानकारी दिनुभयाे ।

ओलाङचुङगोला भन्सार भएको क्षेत्रमा सरकारले सशस्त्र प्रहरीको सीमा सुरक्षा बलसमेत खटाएको छ । ओलाङचुङगोलामा सशस्त्र प्रहरीको बोर्ड आउट पोस्ट (बीओपी) समेत राखिएको छ ।
कोभिडको निहुँ बनाएर चीनले अहिलेसम्म नाका नखोल्दा फक्ताङलुङ गाउँपालिकाका अध्यक्ष राजन लिम्बुले प्रधानमन्त्रीलाई भेटेर नाका खुलाउन पहल गरिदिन अनुरोध पत्रसमेत बुझाउनुभएकाे छ ।

नाका नखोलिँदा त्यस क्षेत्रमा उत्पादित घिउ, छुर्पी, गलैँचालगायतका घरेलु सामग्री तथा चौरी, याक निर्यात हुन नसक्दा आफूहरूलाई घर धान्न समस्या भएको स्थानीयवासीकाे भनाइ छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्