पोल्याण्ड पठाइदिने भन्दै चार जनाबाट २७ लाखभन्दा धेरै ठग्ने राप्ती म्यानपावरका सञ्चालक पक्राउ

असोज ८, २०८० सोमबार १७:३९:३३ | उज्यालो सहकर्मी

काठमाण्डौ – रोजगारीका लागि पोल्याण्ड पठाइदिन्छु भन्दै २७ लाख भन्दा धेरै रकम ठगी गर्ने राप्ती प्यालेसमेन्ट म्यानपावरका सञ्चालक रवीन्द्र अधिकारी पक्राउ परेका छन् ।

वैदेशिक रोजगारीमा पोल्याण्ड पठाइदिने र त्यहाँ फुड प्याकिङको काममा महिनाको एक लाख रुपैयाँ कमाइ हुने भन्दै चार जनाबाट २७ लाख २५ हजार रुपैयाँ ठगी गर्ने उनलाई प्रहरीले सोमबार पक्राउ गरेको हो ।

म्यानपावरका सञ्चालक अधिकारीले प्रतिव्यक्ति १२ लाख रुपैयाँ लाग्ने बताएका थिए । तर पटक पटक गरी चारै जनाबाट २७ लाख २५ हजार रुपैयाँ हात परेपछि सम्पर्क विहीन भएका थिए ।

रकम लिएर म्यानपावरका सञ्चालक फरार भएपछि पीडित प्रेम तामाङसहित चार जनाले वैदेशिक रोजगार विभागमा उजुरी दिए । पीडित श्रमिकको उजुरीको आधारमा विभागले रवीन्द्रको खोजी गरी उपस्थित गराइदिन प्रहरीलाई अनुरोध गरेको थियो ।

चितवनको भरतपुर नगरपालिका ६ का ४२ वर्षीय रवीन्द्रलाई आज सोमबार दिउँसो प्रहरीले काठमाण्डौको वसुन्धराबाट पक्राउ गरेको हो ।

प्रहरीका अनुसार थप अनुसन्धानका लागि उनलाई विभागको कार्यालय ताहाचल पठाइएको छ ।

यस्तै, यूएई पठाइदिन्छु भन्दै डेढ लाख रुपैयाँ ठगी गर्ने रौतहटका इरफान सिद्धिकीलाई पनि आइतबार प्रहरीले पक्राउ गरेको छ ।

उनले सूर्यबहादुर कार्कीलाई वैदेशिक रोजगारीमा यूएई पठाइदिन्छु भन्दै डेढ लाख रुपैयाँ ठगी गरेका थिए ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्