४ वर्षदेखि बन्द रहेकाे टिपताला नाका खुलाउन छलफल

कात्तिक ३०, २०८० बिहीबार १९:५०:३० | केशवप्रसाद भट्टराई

ताप्लेजुङ – काेराेना महामारीका कारण चार वर्षदेखि बन्द रहेकाे टिपताला नाका खुलाउने विषयमा दुई देशका स्थानीय पदाधिकारी तथा नेतृत्वबीच छलफल भएको छ ।

टिपताला भञ्ज्याङमा दुई देशका स्थानीय पदाधिकारीबीच अनौपचारिक भेटघाट गर्दै नाका खुलाउने विषयमा छलफल भएको फक्ताङलुङ गाउँपालिकाका अध्यक्ष राजन लिम्बूले बताउनुभयो । छलफलमा नेपालको तर्फबाट फक्ताङलुङका अध्यक्ष राजन लिम्बू, उपाध्यक्ष रवीन साम्रा लिम्बूसहितका पदाधिकारीको सहभागिता थियो । चीनको तिब्बतको तर्फबाट दिङ्जे काउन्टी जिल्लाका डीएसपी दावा छिरिङ लामा, इमिग्रेसन पुलिस अफिसर टासी थुन्डुकसहितका पदाधिकारी सहभागी थिए ।

छलफलमा नाका खुलाउन, व्यापार तथा पर्यटन विकास गर्न र टिपतालादेखि ओलाङचुङगोलासम्म सडक कालोपत्रका लागि सहयोग गर्न चीन सरकार इच्छुक रहेको तिब्बतका तर्फबाट सहभागी स्थानीय पदाधिकारीले बताएका फक्ताङलुङका अध्यक्ष लिम्बूले जानकारी दिनुभयो ।

टिपताला नाका नखुल्दा दुई देशबीच हुँदै आएको सीमा व्यापार ठप्पसँगै फक्ताङलुङ–७ को ओलाङचुङगोला, याङ्मा, वडा नम्बर–६ लेलेपको फले र घुन्साका बासिन्दालाई दैनिकी चलाउन समस्या भएको छ । उनीहरूले तिब्बतकाे रिउबाट सस्तो मूल्यमा दैनिक उपभोग्यलगायतका सामग्री आयात गर्दै आएका थिए ।

नाका बन्द भएपछि यहीँको सामान खरिद गर्दा मूल्य र ढुवानी खर्च महँगो पर्ने स्थानीय बताउँछन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्