बाइक राइडर र ट्याक्सी ड्राइभरको पदमा यूएई र कतारमा श्रमिक पठाउन प्रतिबन्ध

फागुन ८, २०७९ सोमबार १६:४७:५४ | उज्यालो सहकर्मी

काठमाण्डौ – वैदेशिक रोजगार विभागले यूएई र कतारमा बाइक राइडर र ट्याक्सी ड्राइभरको काममा श्रमिक पठाउन प्रतिबन्ध लगाएको छ ।

पछिल्लो समय यूएई र कतारमा बाइक राइडर र ट्याक्सी ड्राइभरको पदमा कामका लागि गएका नेपालीहरू समस्यामा पर्ने क्रम बढेको भन्दै विभागले अनिश्चितकालका लागि यी काममा श्रमिक पठाउन पूर्व स्वीकृति नदिने जनाएको छ ।

यी दुई पदमा कतार र यूएई पुगेका धेरैजसो नेपालीहरू समस्यामा परेको, स्वीकृत मागपत्र अनुसारको न्यूनतम तलब समेत नपाएको र सहज रूपमा गन्तव्य देशको लाइसेन्स नपाउँदा लामो समयसम्म काम विहीन भएर बस्नु परेको विभागले उल्लेख गरेको छ ।

यी दुई काममा श्रमिक पठाउन सुरक्षित नदेखिएको भन्दै विभागले अर्को सूचना जारी नभएसम्म कतार र यूएईमा रहेका नेपाली दूतावासलाई मागपत्र प्रमाणीकरण नगर्न अनुरोध गरेको छ ।

यसका साथै सम्बन्धित देशको ट्राफिक नियम र सडक अनुशासन सम्बन्धी ज्ञान र अनुभव नहुँदा दुर्घटनामा पर्ने र धेरैजसो श्रमिकले ट्राफिक कारबाही परी ठूलो रकम जरिबाना तिर्न परेको छ ।

बाइक राइडर र ट्याक्सी ड्राइभरको पदमा गएका धेरैजसो श्रमिकले यस्तो समस्या भोगेको भन्दै विभागमा आउने गुनासो पनि बढेको छ । यस्तो समस्या सम्बन्धी गुनासो बढेपछि यूएई र कतारमा बाइक राइडर र ट्याक्सी ड्राइभर पदमा पठाउन सुरक्षित नदेखिएको विभागको ठहर छ ।

अब अर्को सूचना जारी नहुँदासम्म यी दुई कामका लागि पूर्व स्वीकृति प्रदान नगर्ने विभागले जनाएको छ ।

1 Comments

pratap rai
Feb. 20, 2023, 6:13 p.m.
ठिक हो राम्रो गरेको अब सुन्नु पाउ कि अब जादा निउनतम पनि 70 80 हजार होश र सेवा सुबिधा भने जस्तै भयोश अनि kuwait को के हुन्छ daivar मा मेरो kuwait को लगी try गरेको छु

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)

बाइक राइडर र ट्याक्सी ड्राइभरको पदमा यूएई र कतारमा श्रमिक पठाउन प्रतिबन्ध

1 Comments

pratap rai

तपाईको प्रतिक्रिया