वैदेशिक रोजगारीमा रहेकालाई स्वास्थ्य सम्बन्धी परामर्श दिन भोलिदेखि टेलिमेडिसिन सेवा सुरु हुने

 चैत १४, २०७९ मंगलबार ११:४७:२३ | उज्यालो सहकर्मी
unn.prixa.net

काठमाण्डौ – वैदेशिक रोजगार बोर्डले भोलिदेखि टेलिमेडिसिन सेवा सुरु गर्ने भएको छ ।

वैदेशिक रोजगारीमा रहेका श्रमिकका लागि लक्षित गर्दै टेलिमेडिसिन सेवा सुरुवात गर्न लागेको बोर्डले जनाएको छ । टेलिमेडिसिन सेवा भोलि अर्थात् चैत १५ गते बुधवार बिहान १० बजेदेखि सुरुवात हुने छ ।

सार्वजनिक बिदाको दिन बाहेक नेपाली कार्यालय समयमा सेवा प्रवाह हुने बोर्डले जनाएको छ । विदेशमा रहेका नेपालीहरूले ९८५१३४५७०१ र ९८५१३४५७०२ नम्बरमा भाइवर, ह्वाट्स एपा वा इमो लगायतको माध्यममार्फत सम्पर्क गरेर टेलिमेडिसिन सेवा लिन सक्नेछन् । विदेशबाट तपाईँले राख्नुभएका स्वास्थ्य सम्बन्धी समस्या र जिज्ञासा कल टेलिमेडिसिनका मेडिकल अधिकृतले उठाउनेछन् ।  

बिरामी श्रमिकलाई थप विशेषज्ञ सेवा आवश्यक परेमा मेडिकल अधिकृतको सिफारिसमा हरेक आइतबार र शुक्रवार विशेषज्ञ सेवा उपलब्ध गराइने बोर्डले जानकारी दिएको छ । आइतबार र शुक्रवार धेरैजसो गन्तव्य देशमा सार्वजनिक बिदा पर्ने भएकाले पनि यस दिन विशेषज्ञ सेवा उपलब्ध गराइने भएको हो ।

वैदेशिक रोजगारीमा रहेका श्रमिकलाई भाषा र अन्य विविध समस्याको कारण बिमारी गर्दा सामान्य परामर्श लिन पनि समस्या भएको भन्दै आफ्नै देशमा फोन गरेर आफ्नो स्वास्थ्य समस्या राख्ने व्यवस्था गरिएको बोर्डको भनाइ छ ।

1 Comments

तपाईको प्रतिक्रिया

समाचार

लोकप्रिय

१

अमेरिकाका नवनिर्वाचित राष्ट्रपति ट्रम्प र मेटा मालिक जुकरबर्गबीच भेटवार्ता

२

नेपालमा आयाेजना हुने काभा पुरुष भलिबल क्लब च्याम्पियनशिपमा ५ वटा टाेली

३

रामेछापमा जीप दुर्घटना हुँदा गोकुलगङ्गा–४ का वडा अध्यक्षसहित ५ जनाको ज्यान गयाे

४

सुनको भाउ  तोलामा एक हजार ६ सय  रुपैयाँले बढ्यो

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई