देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

465_ Desh Paradesh 2021-05 25

Download

कार्यक्रम देश परदेशको ४६५ औं अंक महामारीमा परेका श्रमिकको समस्या समाधान र उद्धारमा नयाँ बनेको सरकारी समितिले गर्ने कामका बारेमा केन्द्रित छ । यस विषयमा समिति सदस्य तथा वैदेशिक रोजगार बोर्डका कार्यकारी निर्देशक राजनप्रसाद श्रेष्ठसितको कुराकानी कार्यक्रममा सुन्न सकिन्छ । श्रमिकको समस्या समाधानका लागि बेलाबेला बन्ने यस्ता समितिका काम छल्ने र नगर्ने प्रवृतिबारे वैदेशिक रोजगारीका विषयमा लामो समयदेखि काम गरिरहेका पत्रकार होम कार्कीको विचार र महामारीको समयमा विदेशमा अप्ठेरोमा परेकाहरुका लागि आप्रवासी स्रोत केन्द्रले प्रदान गरिरहेको टेली काउन्सिलिङबारे जानकारी पनि कार्यक्रममा समावेश छ । साथमा छ तपाईँले सोधेका प्रश्नमा हामीले खोजेका उत्तर पनि र हप्ताभरिका रोजगार गतिविधि पनि ।

देश परदेश (अडियाे)

465_ Desh Paradesh 2021-05 25

अरु एपिसोडहरु