हवाई उडान सञ्चालन नहुँदा जिल्ला अस्पताल हुम्लामा औषधि पुगेन

जेठ ७, २०८१ सोमबार १८:३३:२२ | रासस

हुम्ला – जिल्ला अस्पताल हुम्लामा औषधि अभाव हुँदा बिरामी मर्कामा परेका छन् । मौसमी बिरामीको सङ्ख्या बढ्दै गए पनि अस्पतालमा औषधि अभाव हुँदा समस्या भइरहेको छ । १५ शय्याको जिल्ला अस्पतालमा गएको वैशाखदेखि औषधि अभाव छ ।

रुघाखोकी, झापापखालालगायत रोगका औषधि वितरण कक्षमा नपाउने गरेको सेवाग्राहीको गुनासो छ । अस्पतालमा पाइने निःशुल्क औषधिसमेत नभएको खार्पुनाथ गाउँपालिका–३ रायाका धनबहादुर टमटाले गुनासो गर्नुभयो । बहिनीको उपचारका लागि दुई दिनदेखि भर्ना भएर अस्पतालमा बसेको भन्दै डाक्टरले लेखिदिएको औषधि निजी मेडिकलबाट किन्नुपरेको उहाँले बताउनुभयो । चार हजार रुपैयाँसम्मको औषधि निजी मेडिकलबाट किनेको भन्दै टमटाले अस्पतालमा भिटामिनसमेत नभएको गुनासो गर्नुभयो ।

वैशाखयता अस्पतालमा बिरामीको चाप बढेको मेडिकल अफिसर तथा डाक्टर सुर्जनकुमार सिंहले बताउनुभयो । लामो समय हुम्लामा पानी नपर्दा मौसमी बिरामीको चाप थपिँदै आएको उहाँको भनाइ छ ।

स्वास्थ्य सेवा कार्यालयका प्रमुख प्रेमबहादुर सिंहले हवाई उडान नभएकाले खरिद गरेर हुम्ला ल्याइने औषधि नेपालगञ्जमा थन्किएकाले समस्या भएको बताउनुभयो । अबको एक÷दुर्ई दिनमा हवाई उडान सञ्चालन भएमा नेपालगञ्जमा थन्किएका औषधि ढुवानी भएर यहाँ आइपुग्ने प्रमुख सिंहले बताउनुभयो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हवाई उडान सञ्चालन नहुँदा जिल्ला अस्पताल हुम्लामा औषधि पुगेन

प्रतीकात्मक तस्बिर

तपाईको प्रतिक्रिया