सहकारी प्रकरणमा व्यक्तिको नामै तोकेर छानबिन समिति गठन गर्नुपर्ने कांग्रेसको अडान

जेठ १३, २०८१ आइतबार १२:७:४६ | उज्यालो सहकर्मी

काठमाण्डाै – नेपाली कांग्रेसले संसदीय छानबिन समितिको कार्यादेशमा सहकारीको रकम अपचलनमा संलग्न व्यक्तिको नाम उल्लेख गरेरै छानबिन समिति गठन हुनुपर्ने अडानमा कायम रहने निर्णय गरेको छ ।

आज बिहान कांग्रेस नेताहरूको आन्तरिक छलफलले गोर्खा मिडिया नेटवर्कको नाममात्र लिएर नपुग्ने भन्दै कम्तीमा त्यहाँ संलग्न व्यक्तिहरू कोको हुन् भन्नेबारेमा पनि उल्लेख नगरिकन छानबिन हुन नसक्ने निष्कर्षसहित व्यक्तिको नाम किटान गर्नुपर्ने अडानमा कायम रहने निर्णय गरेको बैठकपछि सहमहामन्त्री जीवन परियारले बताउनुभयो ।

आज कांग्रेस सभापति शेरबहादुर देउवालाई भेट्न प्रधानमन्त्री पुष्पकमल दाहाल प्रचण्ड बूढानीलकण्ठ पुग्नुभएको छ । प्रधानमन्त्री प्रचण्डसँगको भेटमा पनि सभापति देउवाले सहकारीको रकम अपचलनमा उपप्रधान एवम् गृहमन्त्री रवि लामिछानेको नाम नै किटान गरेर जानुपर्ने कांग्रेसको अडानबारेमा जानकारी गराउनुभएको सहमहामन्त्री परियारले बताउनुभयो ।

सहकारीकै विषयलाई लिएर कांग्रेसले आजै काठमाण्डाैमा विरोध प्रदर्शन गर्दैछ । कांग्रेसले सहकारी पीडितहरूको न्यायको माग गर्दै सदन र सडक दुवै ठाउँबाट दबाब दिन लागेको हो ।

छानबिन समितिको कार्यदेशमा सहमति हुन नसक्दा आजको प्रतिनिधि सभाको बैठक झन्डै एक घण्टापछि शुरु भएकाे छ । प्रतिनिधि सभाको बैठकमा आज सरकारको आउँदो आर्थिक वर्षको नीति तथा कार्यक्रममाथि छलफल गरेर पारित गर्ने कार्यसूची छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सहकारी प्रकरणमा व्यक्तिको नामै तोकेर छानबिन समिति गठन गर्नुपर्ने कांग्रेसको अडान

फाइल फाेटाे

तपाईको प्रतिक्रिया