बङ्गलादेशले ७ देशका राजदूतलाई फिर्ता बोलायो

साउन ३२, २०८१ शुक्रबार १२:४५:५२ | एजेन्सी

बङ्गलादेशको नयाँ सरकारले अघिल्लो अवामी लिग सरकारले करारमा नियुक्त गरेका ७ देशका राजदूतलाई तत्काल स्वदेश फर्कन निर्देशन दिएको छ ।

बङ्गलादेशले अमेरिकाका लागि राजदूत मोहम्मद इमरान, रुसका लागि राजदूत कमरुल हसन, साउदी अरबका लागि राजदूत जावेद पटवारी, जापानका लागि राजदूत शाहबुद्दीन अहमद, जर्मनीका लागि राजदूत मोशर्रफ हुसेन भुइया, यूएईका लागि राजदूत अबु जफर र उच्चायुक्त रियर एडमिरल एसएम अबुल कलामलाई फिर्ता बोलाएको हो ।

परराष्ट्र मन्त्रालयले उनीहरूलाई आफ्नो वर्तमान जिम्मेवारी त्यागेर तुरुन्तै ढाकामा रहेको मुख्यालयमा फर्किन छुट्टाछुट्टै सूचना पठाएको बङ्गलादेशका सञ्चारमाध्यमले जनाएका छन् । केही देशमा राजदूतबाहेक काउन्सिलरहरूलाई पनि फिर्ता बोलाइएको छ ।

यही अगस्ट ८ मा अन्तरिम सरकार गठन भएपछि बङ्गलादेशमा ठूलो प्रशासनिक फेरबदल भइरहेको बेला राजदूतहरूलाई फिर्ता बोलाइएको हो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बङ्गलादेशले ७ देशका राजदूतलाई फिर्ता बोलायो

तस्बिर : एजेन्सी

तपाईको प्रतिक्रिया