भारतको हिमतालहरूमा प्रविधियुक्त बाढी चेतावनी प्रणाली जडान शुरू

भदौ १९, २०८१ बुधबार ६:१०:४५ | एजेन्सी

भारतले फुट्ने जोखिम भएका हिमतालमा उच्च–प्रविधियुक्त चेतावनी प्रणाली जडान गरिरहेकाे छ । जलवायु परिवर्तनका कारण हिमतालहरू फुट्ने खतरा बढेको भन्दै झण्डै २ सय वटा हिमतालमा प्रविधियुक्त चेतावनी प्रणाली जडान गरेको त्यहाँका प्रकोप अधिकारीहरूले बताएका छन् ।

भारतका हिमालयमा रहेका साढे सात हजार हिमतालमध्ये धेरैमा बाढी आउने जोखिम रहेको भारतीय सञ्चार माध्यमले जनाएका छन् । भारतको राष्ट्रिय प्रकोप व्यवस्थापन प्राधिकरण (एनडिएमए) को टोलीले सबैभन्दा जोखिम मानिने एक सय ९० उच्च उचाइका तालहरूलाई लक्षित गरेर तीन वर्षमा उच्च–प्रविधियुक्त चेतावनी प्रणाली जडान गरिसक्ने उद्देश्यले काम गरिरहेको बताएका छन् ।

यो कार्यक्रमले भारतमा हिमाली क्षेत्रहरू, उत्तरमा कास्मिर र लद्दाखदेखि उत्तरपूर्वमा अरुणाचल प्रदेशसम्म, चीनको सीमासँग जोडिएका धेरै क्षेत्रलाई समेट्नेछ । एनडिएमएले जोखिम न्यूनीकरणमा महत्त्वपूर्ण प्रगति गर्ने विश्वास व्यक्त गरेको छ । यो टोलीमा सेना र भारतीय अन्तरिक्ष अनुसन्धान सङ्गठनलगायत धेरै सरकारी एजेन्सीका विशेषज्ञ, भूगर्भविद्, जलवैज्ञानिक, कम्प्युटर इन्जिनियर र मौसम विशेषज्ञ संलग्न छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भारतको हिमतालहरूमा प्रविधियुक्त बाढी चेतावनी प्रणाली जडान शुरू

तस्बिर : एजेन्सी

तपाईको प्रतिक्रिया