दुई जना यात्रीलाई अन्तरिक्षमै छाडेर बोइङको स्टारलाइनर पृथ्वीमा अवतरण

भदौ २२, २०८१ शनिबार १५:२८:३५ | एजेन्सी

अन्तरिक्ष यात्रीहरु सुनिता विलियम्स र बेरी विल्मोरलाई अन्तरिक्षमै छाडेर बोइङको स्टारलाइनर अन्तरिक्ष यान पृथ्वीमा अवतरण भएको छ । बिना यात्रु पृथ्वी फर्किएको यान न्यू मेक्सिकोको मरुभूमिमा अवतरण गरेको बीबीसीले जनाएको छ ।

दुबैजना यात्रीसहित आठ दिनमा फर्कने गरी गएको जुन ५ तारिखमा अन्तरिक्षका लागि उडेको यान झन्डै तीन महिना ढिला गरी यात्री बिनै फर्किएको हो । हिलियम चुहावटका कारण यात्री बिनै फर्किएको स्टारलाइनर पृथ्वीमा कुनै समस्या बिना आइपुगेकोे अमेरिकी अन्तरिक्ष निकाय (नासा)ले जनाएको छ ।

अन्तरिक्ष यानले न्यू मेक्सिकोको स्थानीय समयअनुसार शुक्रवार राति ११ बजे झन्डै २७ हजार चार सय किलोमिटर प्रति घन्टाको कक्षीय गतिको साथ पृथ्वीको वायुमण्डलमा पुनः प्रवेश गरेको थियो । झन्डै ४५ मिनेटपछि, यानले आफ्नो अवतरणको गतिलाई कम बनाउन केही प्यारासुटहरू प्रयोग गरेको थियो । अवतरण हुनु अघि हावा भरिएका एयरब्याग फुलाएका थिए ।

अन्तर्राष्ट्रिय अन्तरिक्ष स्टेशनमा रहेका यात्रीहरु विलियम्स र विल्मोर आउँदो फेब्रुअरीमा प्रक्षेपण हुने स्पेसएक्स ड्रयागन अन्तरिक्ष यानमा फर्किने नासाले जनाएको छ । बोइङले यस अघि सन् २०१९ मा मानव रहित पहिलो परीक्षण उडानमा पनि धेरै समस्या सामना गर्नु परेको थियो । सन् २०२२ मा दोहोर्‍याइएको परीक्षणले पनि थप त्रुटि फेला पारेको थियो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्