१७ वर्ष मुनिको साफ च्याम्पियनसिप : भुटानलाई हराउँदै नेपाल सेमिफाइनलमा

असोज १०, २०८१ बिहीबार ६:१८:५६ | उज्यालो सहकर्मी

काठमाण्डौ – घरेलु टोली भुटानलाई हराउँदै नेपाल १७ वर्ष मुनिको साफ च्याम्पियनसिपको सेमिफाइनलमा पुगेको छ । थिम्पुमा रहेको चङ्लिमिथाङ रङ्गशालामा हिजो भएको खेलमा नेपालले भुटानलाई २–१ ले हराएको हो ।

नेपालको जीतमा कृष्ण बहादुर आले र सुजन डङ्गोलले गोल गरे । घरेलु टोली भुटानका योनतेन थारचेनले गोल गरेका थिए । यो नेपालको दोस्रो जीत हो । समूह चरणको तीन खेलमा दुई जीत र एक हारसहित नेपालले छ अङ्क बनायो । नेपाल समूह उपविजेता बन्दै सेमिफाइनलमा प्रवेश गरेको हो ।

एक खेल बराबरी र दुई जीतमा सात अङ्क बनाएको पाकिस्तान समूह विजेता बन्दै अन्तिम चारमा परेको हो । भुटानले एक जीत एक बराबरी र एक हारमा चार अङ्क जोड्दा तेस्रो स्थानमा रहँदै समूह चरणबाट बाहिरिएको छ । समूहको सबैभन्दा कमजोर श्रीलङ्क तीन खेलमा हार बेहोर्दै अङ्क बिहिन बन्यो ।

नेपाल पहिलो खेलमा पाकिस्तानसँग १–० ले हार्दा दोस्रो खेलमा श्रीलङ्कालाई ४–० ले हराउन सफल भएको थियो । अब नेपालले सेमिफाइनलमा भारतसँग खेल्नेछ । भारत समूह 'ए' को विजेता बन्दै सेमिफाइनलमा पुगेको हो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

१७ वर्ष मुनिको साफ च्याम्पियनसिप : भुटानलाई हराउँदै नेपाल सेमिफाइनलमा

तस्बिर : एन्फा

तपाईको प्रतिक्रिया