कृषिमा प्रविधिको प्रयोगसँगै दाइँ गर्ने परम्परा लोप हुँदै

मंसिर १८, २०८१ मंगलबार १५:२०:१८ | रासस

धनुषा – कृषिमा भित्रिएको आधुनिक प्रविधिले तराई मधेशका सबैजसो गाउँघरमा दाइँ गर्ने परम्परा लोप हुँदै जान थालेको छ ।

केही वर्ष अघिसम्म गोरु र मान्छेकै सहारामा दाइँ हाल्दै आएका धनुषाका धेरैजसो किसानहरू पछिल्लो समय आधुनिक थ्रेसर मेशिन र ट्र्याक्टरका सहायताबाट धान चुट्न थालेपछि दाइँ परम्परा लोप हुन लागेको हो ।

खेती किसानी पनि गर्दै आउनुभएका जिल्ला समन्वय समिति धनुषाका पूर्वसभापति रामदेव यादव किसानले गोरु पाल्न छाडेपछि थ्रेसर र ट्र्याक्टरको सहायताले दाइँ गर्न थालेको बताउनुहुन्छ ।

एक दशक अघिसम्म खेतका फाँटमा खलो बनाई धान, मसुरो, तोरी, गहुँलगायतका अन्न झाँटेर बोटमा बाँकी बसेका अन्न झार्नका लागि मियोका वरिपरि गोरु घुमाएर दाइँ गर्ने परम्परा थियो । तर आधुनिक प्रविधिका कारण गाउँमा दाइँ गर्ने परम्परा हराउँदै जान थालेको छ ।

मेशिनको प्रयोगसँगै गाउँघरमा अर्मपर्म गरेर खेती लगाउने, खेती थन्काउने चलन पनि हट्न थालेको क्षीरेश्वरनाथ नगरपालिका–४ का किसान जगदीश यादवले बताउनुभयो । मेशिनको सहायताले दाइँ गर्दा त्यसले उडाएको भुसले भने हावामा प्रदूषण बढाएको उहाँको अनुभव छ ।

अन्तिम अपडेट: मंसिर १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कृषिमा प्रविधिको प्रयोगसँगै दाइँ गर्ने परम्परा लोप हुँदै

तस्वीर : रासस

तपाईको प्रतिक्रिया